Hoppa yfir valmynd
14. febrúar 2011 Félags- og vinnumarkaðsráðuneytið, Heilbrigðisráðuneytið

Skipað í samráðsnefnd um málefni fatlaðs fólks

Guðbjartur Hannesson velferðarráðherra hefur skipað samráðsnefnd um málefni fatlaðs fólks til ársloka 2014. Nefndin er skipuð í samræmi við ákvæði til bráðabirgða VI í lögum um málefni fatlaðs fólks nr. 59/1992.

Hlutverk samráðsnefndarinnar er að vera velferðarráðherra og sveitarfélögum til ráðgjafar um málefni fatlaðs fólks, hafa umsjón með framkvæmd á yfirfærslu þjónustu við fatlað fólk til sveitarfélaganna, gera tillögur um breytingar á tilhögun yfirfærslunnar eftir því sem ástæða er til, stýra endurmati yfirfærslunnar og fjalla um vafamál og álitaefni sem upp kunna að koma. Ráðherra er heimilt að fela nefndinni frekari verkefni í tengslum við fyrirfærslu þjónustunnar. Nánar er fjallað um hlutverk samráðsnefndarinnar í 12. grein samkomulags ríkis og sveitarfélaga um tilfærslu þjónustu við fatlað fólk frá 23. nóvember 2010.

Samráðsnefndina skipa:

  • Jónína Rós Guðmundsdóttir, skipuð af velferðarráðherra, formaður
  • Hlynur Hreinsson, tilnefndur af fjármálaráðuneyti
  • Guðni Geir Einarsson, tilnefndur af innanríkisráðuneytinu
  • Gerður Aagot Árnadóttir, tilnefnd af Landssamtökunum Þroskahjálp
  • Hrefna Karonina Óskarsdóttir, tilnefnd af Öryrkjabandalagi Íslands
  • Björk Vilhelmsdóttir, tilnefnd af Sambandi íslenskra sveitarfélaga
  • Gyða Hjartardóttir, tilnefnd af Sambandi íslenskra sveitarfélaga
  • Jón Óskar Pétursson, tilnefndur af Sambandi íslenskra sveitarfélaga

 

 

Hafa samband

Ábending / fyrirspurn
Ruslvörn
Vinsamlegast svaraðu í tölustöfum