Hoppa yfir valmynd
25. ágúst 2014 Forsætisráðuneytið

Bein útsending frá jafnréttisráðstefnu á vefnum

Fánar Norðurlandanna
Fánar Norðurlandanna

Á morgun, þriðjudaginn 26. ágúst, fer fram í Hörpu norræn ráðstefna um jafnréttismál í tilefni 40 ára afmælis Norðurlandasamstarfs á sviði jafnréttismála. Ráðstefnan verður send út á vefnum og hefst útsending kl. 9:30.

Á ráðstefnunni verður fjallað um mótun og þróun norrænnar jafnréttisstefnu með áherslu á jafnrétti á vinnumarkaði, menntun, og aukna þátttöku karla og drengja í jafnréttisstarfi.

Ráðstefnan hefst með setningu Eyglóar Harðardóttur, félags- og húsnæðismálaráðherra, og hátíðarávarpi frú Vigdísar Finnbogadóttur, fyrrverandi forseta Íslands. Dagskrá ráðstefnunnar er fjölbreytt og þar flytja erindi fyrirlesarar sem eru þekktir fyrir störf sín að jafnréttismálum á alþjóðavettvangi.

Ráðstefnan fer fram á Norðurlandamálum og túlkað verður á finnsku og íslensku.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum