Samvinnuhópur vegna öryggisvistunar einstaklinga

Eygló Harðardóttir, félags- og húsnæðismálaráðherra, hefur skipað samvinnuhóp sem tryggja á að þjónusta og skipulag skipulag samstarfs ríkis og sveitarfélaga vegna einstaklinga sem þurfa á öryggisvistun að halda sé í samræmi við lög, alþjóðlegar mannréttindaskuldbindingar og alþjóðleg viðurkennd gæðaviðmið.

Framangreindum markmiðum skal meðal annars náð með því að:

• stofna til samvinnuhóps um rekstur og skipan öryggisúrræða fyrir tilgreinda hópa,
• velferðarráðuneytið móti í samvinnu við innanríkisráðuneytið og aðra hagsmunaaðila skýra stefnu og verklag til næstu fimm ára um framkvæmd öryggisúrræða fyrir sérstaklega tilgreinda hópa og
• tryggja að þeir einstaklingar sem eru í brýnni þörf fyrir öryggisúrræði fái úrlausn í samræmi við þjónustuþörf eins fljótt og verða má.

Samvinnuhópinn skipa

• Þór G. Þórarinsson, án tilnefningar, formaður
• Bryndís Gunnlaugsdóttir, tiln. af Sambandi íslenskra sveitarfélaga
• Leifur Bárðarson, án tilnefningar
• Rún Knútsdóttir, án tilnefningar
• Skúli Þór Gunnsteinsson, tiln. af innanríkisráðuneytinu
• Soffía Lárusdóttir, tiln. af Akureyrarbæ
• Stefán Eiríksson, tiln. af Reykjavíkurborg