Velferðarráðuneytið - Fréttir

Heilbrigðisþjónusta á Íslandi þriðja best í Evrópu

Tue, 15 May 2012 19:38:00 +0000

Íslenskir sjúklingar hafa mikil réttindi, eru vel upplýstir, biðtími eftir þjónustu er stuttur í samanburði við aðrar Norðurlandaþjóðir og árangur meðferðar er með því besta sem gerist í Evrópu. Þetta er meðal þess sem fram kom þegar niðurstöður Euro Health Consumer Index árið 2012 voru kynntar á Evrópuþinginu í Brussel í dag. Ísland er í þriðja efsta sæti þeirra 34 landa sem úttektin náði til.

Atvinnuþátttaka hvergi meiri en á Íslandi

Tue, 15 May 2012 17:49:00 +0000

Skráð atvinnuleysi í apríl var 6,5% á móti 8,1% atvinnuleysi á sama tíma í fyrra samkvæmt tölum Vinnumálastofnunar sem spáir því að í maí lækki það niður fyrir 6%. Velferðarráðherra segir að mun minna atvinnuleysi hér á landi og meiri atvinnuþátttaka en gerist hjá öðrum Evrópuþjóðum skapi Íslendingum mikilvægt forskot á leið út úr kreppunni.

Vorráðstefna Greiningar- og ráðgjafarstöðvar ríkisins

Mon, 14 May 2012 15:46:00 +0000

Guðbjartur Hannesson velferðarráðherra ávarpaði vorráðstefnu Greiningar- og ráðgjafarstöðvar ríkisins sem haldin var í 27. sinn dagana 11.-12. maí 2012.

Aðalfundur Hollvinasamtaka Grensáss

Thu, 10 May 2012 11:08:00 +0000

Guðbjartur Hannesson ávarpaði aðalfund Hollvinasamtaka Grensáss sem haldinn var í gær, 9. maí 2011. Ráðherra þakkaði samtökunum öflugan stuðning við endurhæfingarstarfið á Grensásdeildinni sem fælist jafnt í fjáröflunarstarfi og því að vekja athygli á mikilvægi starfseminnar á opinberum vettvangi.

Frumvarp um fyrirhugaðar breytingar á starfsemi Íbúðalánasjóðs

Tue, 8 May 2012 14:39:00 +0000

Eftirlit með starfsemi Íbúðalánasjóðs verður aukið, skýrari skilyrði sett við lánveitingum til uppbyggingar leiguhúsnæðis og heimildir sjóðsins til lánveitinga vegna kaupa á dýru íbúðarhúsnæði þrengdar samkvæmt frumvarpi sem velferðarráðherra mælti fyrir á Alþingi í liðinni viku. Með áformuðum breytingum er brugðist við athugasemdum sem Eftirlitsstofnun EFTA hefur gert við starfsemi Íbúðalánasjóðs.

Nýtt hjúkrunarheimili rís á Egilsstöðum á Fljótsdalshéraði

Tue, 8 May 2012 13:28:00 +0000

Guðbjartur Hannesson velferðarráðherra, Oddný G. Harðardóttir fjármálaráðherra og Björn Ingimarsson bæjarstjóri Fljótsdalshéraðs undirrituðu í dag samning um byggingu hjúkrunarheimilis á Egilsstöðum fyrir 40 heimilismenn. Húsnæðið verður tekið í notkun um mitt ár 2014.

Mælt fyrir frumvarpi um starfsendurhæfingu

Tue, 8 May 2012 12:47:00 +0000

Velferðarráðherra hefur mælt fyrir á Alþingi frumvarpi til laga um atvinnutengda starfsendurhæfingu og starfsemi starfsendurhæfingarsjóða. Í frumvarpinu er gert ráð fyrir að almennt eigi allir einstaklingar rétt til atvinnutengdrar starfsendurhæfingar, hvort sem þeir eru á vinnumarkaði eða standa utan hans, að því gefnu að þeir uppfylli skilyrði frumvarpsins að öðru leyti.

Almennt bann við nauðung í þjónustu við fatlað fólk

Tue, 8 May 2012 11:26:00 +0000

Velferðarráðherra hefur mælt fyrir frumvarpi um breytingu á lögum um réttindagæslu fyrir fatlað fólk. Með frumvarpinu eru lögð til skýr lagaákvæði um að óheimilt sé að beita fatlað fólk nauðung nema að undanþága hafi verið veitt eða um sé að ræða neyðartilvik. Bannið nær einnig til fjarvöktunar á heimilum fatlaðs fólks.

Lyfjastofnun heimilað að beita dagsektum

Tue, 8 May 2012 10:22:00 +0000

Velferðarráðherra hefur sett reglugerð um heimild Lyfjastofnunar til að leggja dagssektir á eftirlitsskylda aðila brjóti þeir gegn ákvæðum lyfjalaga eða gegn ákvörðunum sem Lyfjastofnun hefur tekið á grundvelli laganna.

Nýr formaður stjórnar Íbúðalánasjóðs

Mon, 7 May 2012 07:53:00 +0000

Velferðarráðherra hefur skipað Jóhann Ársælsson formann stjórnar Íbúðalánasjóðs í stað Katrínar Ólafsdóttur sem óskað hefur lausnar vegna annarra starfa.

Er íslenska forsenda þátttöku í samfélaginu?

Mon, 7 May 2012 15:17:00 +0000

Teymi um málefni innflytjenda efnir til morgunverðarfundar á Grand Hótel 9. maí næstkomandi þar sem fjallað verður um þá spurningu hvort íslenska sé forsenda fyrir þátttöku í samfélaginu og leitast við bregða faglegu og persónulegu ljósi á þetta umfjöllunarefni.

Byrðum kreppunnar dreift á réttlátari hátt en víðast annars staðar

Mon, 7 May 2012 14:56:00 +0000

„Í samanburði við aðrar þjóðir hefur okkur tekist að dreifa byrðum kreppunnar á mun réttlátari hátt en víðast annars staðar, verja tekjulægri hópana og sporna við jafn umfangsmiklu atvinnuleysi og víðast varð raunin hjá öðrum þjóðum“ skrifar Guðbjartur Hannesson velferðarráðherra í blaðagrein sem birtist í Fréttablaðinu um helgina.

Móttaka flóttafólks árið 2012

Fri, 4 May 2012 15:39:00 +0000

Íslensk stjórnvöld hafa ákveðið að taka á móti allt að átta afgönskum flóttamönnum sem búsettir eru í Íran. Ríkisstjórnin samþykkti tillögu velferðarráðherra og utanríkisráðherra þessa efnis á fundi sínum í dag en tillagan er gerð í samráði við flóttamannanefnd. Stefnt er að því að flóttamennirnir komi hingað til lands í sumar.

Heildarlöggjöf um allar heilbrigðisstéttir

Thu, 3 May 2012 14:55:00 +0000

Frumvarp velferðarráðherra til laga um heilbrigðisstarfsmenn var samþykkt á Alþingi í gær. Lögin fjalla um réttindi og skyldur þeirra 33. löggiltu heilbrigðisstétta sem starfa í landinu og leysa af hólmi fimmtán lög sem nú gilda um störf þeirra. Ný lög um heilbrigðisstarfsmenn taka gildi 1. janúar 2013.

Kjararýrnun í kreppunni langminnst hjá lágtekjufólki

Mon, 30 Apr 2012 11:36:00 +0000

Aðgerðir stjórnvalda til að verja lágtekju- og millitekjufólk fyrir áhrifum kreppunnar hafa skilað tilætluðum árangri. Árin 2008-2010 rýrnuðu kjör lágtekjufólks um 9% á móti 38% rýrnun hjá hæsta tekjuhópnum. Botni kjaraskerðingar var náð árið 2010, nú eykst hagvöxtur og kaupmáttur fólks og einkaneysla sömuleiðis. Þetta er meðal þess sem fram kemur í viðamikilli greiningu sem Þjóðmálastofnun Háskóla Íslands vann fyrir velferðarráðuneytið.

Hugmyndafræði klúbbhúsa mikilvæg í þjónustu við geðsjúka

Sun, 29 Apr 2012 15:59:00 +0000

Guðbjartur Hannesson velferðarráðherra segir hugmyndafræðina að baki klúbbhúsa í anda Fountain House hafa borið ferskan andblæ inn í umræðu á Íslandi um geðheilbrigðismál þegar klúbburinn Geysir var stofnaður á Íslandi árið 1999. Ráðherra ávarpaði í dag 12. Evrópuráðstefnu klúbbhúsa sem nú stendur yfir í Reykjavík.

900 sumarstörf fyrir námsmenn og atvinnuleitendur

Fri, 27 Apr 2012 18:57:00 +0000

Velferðarráðuneytið og Vinnumálastofnun auglýsa 500 sumarstörf fyrir námsmenn laus til umsóknar í átaksverkefni ráðuneyta og stofnana þeirra. Sveitarfélög bjóða einnig sumarstörf fyrir námsmenn og atvinnuleitendur á grundvelli verkefnisins og eru störf á þeirra vegum um 400.

Vitundarvakning um kynferðislegt ofbeldi gegn börnum

Fri, 27 Apr 2012 16:36:00 +0000

Innanríkisráðherra, mennta- og menningarmálaráðherra og velferðarráðherra undirrituðu í dag samning til þriggja ára um vitundarvakningu um kynferðislegt ofbeldi gagnvart börnum. Á þessu ári verður 25 milljónum króna varið til verkefnisins.

150 milljónum króna úthlutað úr Framkvæmdasjóði aldraðra

Fri, 27 Apr 2012 10:50:00 +0000

Guðbjartur Hannesson velferðarráðherra hefur úthlutað úr Framkvæmdasjóði aldraðra fyrir árið 2012 í samræmi við tillögur stjórnar sjóðsins. Úthlutað var fé til framkvæmda á níu dvalar- og hjúkrunarheimilum sem stuðla að bættum aðbúnaði aldraðra, samtals um 150 milljónum króna.

Ekki verður deilt um þörf fyrir nýjan Landspítala

Tue, 24 Apr 2012 18:01:00 +0000

Í samhengi við árlegan rekstrarkostnað sjúkrahússins og miðað við ávinninginn, hvort sem litið er til hagræðis í rekstri, öryggis sjúklinga, gæða þjónustunnar, starfsumhverfisins og þar með fýsileika þess að starfa á sjúkrahúsinu er kostnaður við byggingu nýs spítala ekki mikill, sagði Anna Lilja Gunnarsdóttir ráðuneytisstjóri í ávarpi á ársfundi Landspítala í dag sem hún flutti fyrir hönd velferðarráðherra.

Breytingar á greiðsluþátttöku sjúkratrygginga í geðrofslyfjum

Tue, 17 Apr 2012 15:28:00 +0000

Velferðarráðherra hefur undirritað reglugerð um 6. breytingu á reglugerð nr. 403/2010 um greiðsluþátttöku sjúkratrygginga við kaup á lyfjum, sem tekur gildi þann 1. júní næstkomandi. Reglugerðin felur í sér breytingar á greiðsluþátttöku sjúkratrygginga í geðrofslyfjum þannig að um greiðsluþátttöku sjúkratrygginga verður aðeins að ræða þegar verð á skilgreindum dagskammti er 600 krónur eða lægra.

Beinum sjónum að styrkleikum fólks og byggjum á því

Fri, 13 Apr 2012 15:16:00 +0000

Velferðarráðherra ávarpaði ársfund VIRK-Starfsendurhæfingarsjóðs og ræddi þar meðal annars um frumvarp til laga um starfsendurhæfingu sem nú liggur fyrir Alþingi. Ráðherra sagði til mikils að vinna að forða sem flestum frá örorku og stuðla að virkni fólks eins og kostur er á öllum æviskeiðum.

Úthlutun styrkja til atvinnumála kvenna árið 2012

Tue, 3 Apr 2012 14:25:00 +0000

Síðan 1991 hefur velferðarráðuneytið árlega úthlutað styrkjum til kvenna með góðar viðskiptahugmyndir. Styrkir sem þessir skipta miklu máli fyrir frumkvöðlakonur, og eru hvatning til áframhaldandi góðra verka. Enn virðist það vera svo að konur fá lægri styrki en karlar og eru styrkveitingar sem þessar til þess fallnar að rétta hlut kvenna.

Það er ekki brostinn á landflótti

Tue, 3 Apr 2012 10:18:00 +0000

Skýrsla um fólksflutninga til og frá Íslandi 1961-2011 með áherslu á flutninga á samdráttarskeiðum hefur verið unnin fyrir velferðarráðuneytið.

Aðgerðaáætlun í málefnum ungs fólks

Fri, 30 Mar 2012 17:35:00 +0000

Ríkisstjórn Íslands ákvað á fundi sínum í dag að gera aðgerðaráætlun í málefnum ungs fólks að tillögu Guðbjarts Hannessonar velferðarráðherra og Katrínar Jakobsdóttur mennta- og menningarmálaráðherra. Markmiðið er að setja fram skýra framtíðarsýn um tækifæri fyrir ungt fólk í samfélaginu þar sem byggt er á jafnrétti og jöfnun tækifærum.

Málþing um börn og ungmenni með hegðunar- eða geðraskanir

Thu, 29 Mar 2012 17:08:00 +0000

Guðbjartur Hannesson velferðarráðherra flutti ávarp á málþingi Sjónarhóls um börn og ungmenni með hegðunar- og geðraskanir sem Sjónarhóll efndi til í dag.

Samráðsfundur vestnorrænna heilbrigðisráðherra á Grænlandi

Thu, 29 Mar 2012 15:19:00 +0000

Agathe Fontain, heilbrigðisráðherra Grænlendinga, bauð kollegum sínum frá Íslandi og Færeyjum til fyrsta samráðsfundar vestnorrænna ráðherra á þessu sviði sem haldinn var í Nuuk dagana 24. til 25. mars síðastliðinn. Rætt var um aukið samstarf þjóðanna á sviði heilbrigðismála.

Greiðslur fyrir búsetu á dvalar- og hjúkrunarheimilum

Wed, 28 Mar 2012 16:47:00 +0000

Vegna umræðu um greiðslur fólks fyrir dvöl á hjúkrunarheimilum og innheimtu dvalarkostnaðar birtir velferðarráðuneytið samantekt um gildandi fyrirkomulag þessara mála.

Ávarp velferðarráðherra á málþingi Barnaheilla: Heilbrigðar tennur - mannréttindi eða forréttindi?

Wed, 28 Mar 2012 16:26:00 +0000

Anna Lilja Gunnarsdóttir ráðuneytisstjóri í velferðarráðuneytinu flutti ávarp fyrir hönd velferðarráðherra á málþingi Barnaheilla um tannheilbrigði barna 28. mars 2012.

Fundur um mannréttindi geðsjúkra 29. mars

Mon, 26 Mar 2012 11:03:00 +0000

Fjallað verður um mannréttindi geðsjúkra og sérstaklega rætt um nauðungarvistanir á grundvelli lögræðislaga á fundi um mannréttindamál sem innanríkisráðuneytið stendur fyrir 29. mars í tengslum við mótun landsáætlunar í mannréttindamálum.