Jóhanna Sigurðardóttir félagsmálaráðherra hefur ákveðið að fela Tryggingastofnun ríkisins framkvæmd laga um greiðslur til foreldra langveikra eða alvarlega fatlaðra barna.

Félagsmálaráðuneytið og innflytjendaráð standa fyrir málþingi um framkvæmdaáætlun í málefnum innflytjenda sem haldið verður föstudaginn 11. janúar 2008.

Jóhanna Sigurðardóttir félagsmálaráðherra hefur samþykkt tillögur ráðgjafarnefndar Jöfnunarsjóðs sveitarfélaga frá 7. desember sl. um áætluð framlög til sveitarfélaga árið 2008.

Jóhanna Sigurðardóttir félagsmálaráðherra hefur samþykkt tillögu ráðgjafarnefndar Jöfnunarsjóðs sveitarfélaga um að hækka framlög til sveitarfélaga um rúmlega 1.000 milljónir króna fyrir árið 2007.

Jóhanna Sigurðardóttir félagsmálaráðherra hefur samþykkt tillögur ráðgjafarnefndar frá 7. desember sl. um úthlutanir framlaga um ráðstöfun 1.400 m.kr. aukaframlags til Jöfnunarsjóðs sveitarfélaga á árinu 2007.

Nýtt skipurit félags- og tryggingamálaráðuneytisins mun öðlast gildi 1. janúar 2008. Skipuritið felur í sér umtalsverðar breytingar á skipulagi félagsmálaráðuneytisins, meðal annars í samræmi við breytingar sem verða á verkaskiptingu innan Stjórnarráðsins um næstu áramót.

Alþingi hefur samþykkt ný lög um breytingu á lögum nr. 22/2006, um greiðslur til foreldra langveikra eða alvarlega fatlaðra barna.

Evrópuárið 2007, Ár jafnra tækifæra, er nú á lokaspretti sínum og verður næstkomandi fimmtudag, 13. desember, fjallað um þau verkefni sem unnið hefur verið að á árinu á lokafundi í Þjóðminjasafninu.

Forsvarsmenn átaks gegn kynbundnu ofbeldi afhentu félagsmálaráðherra, Jóhönnu Sigurðardóttur, blómvönd sem þakklætisvott fyrir skjót viðbrögð ríkisstjórnarinnar um aðgerðir gegn mansali.

Félagsmálaráðherra undirritaði í dag samkomulag um áframhaldandi rekstur Ráðgjafarstofu um fjármál heimilanna sem gildir til ársins 2012.

Ríkisstjórnin samþykkti á fundi sínum í morgun tillögu félagsmálaráðherra og dómsmálaráðherra um að gerð verði aðgerðaáætlun gegn mansali.

Í ávarpi á fundi Félags stjórnenda í öldrunarþjónustu setti félagsmálaráðherra, Jóhanna Sigurðardóttir, fram þá skoðun að stefna eigi að því að sett verði ein heildstæð löggjöf um velferðarþjónustu sveitarfélaga.

Lokaráðstefna verkefnisins Framtíðar í nýju landi var haldin síðastliðinn föstudag. Á ráðstefnunni var fjallað um hugmyndafræði, starfsaðferðir og árangur verkefnisins sem miðar að því að efla ungmenni af erlendum uppruna í námi og starfi.

Fjallað verður um velferðarmál í Færeyjum, Grænlandi og Íslandi í Norræna húsinu föstudaginn 30. nóvember næstkomandi klukkan 13.00 til 16.15. Viðfangsefnin eru meðal annars vestnorræn velferð og norræna velferðarlíkanið, heilsa og velferð barna og staða kynjanna.

Föstudaginn 23. nóvember síðastliðinn var haldin ráðstefnan Kynbundinn launamunur – aðferðir til úrbóta.

Félagsmálaráðherra hefur gefið út reglugerð um breytingu á reglugerð um eignaskiptayfirlýsingar, útreikning hlutfallstalna o.fl. í fjöleignarhúsum, nr. 910/2000.

Félagsmálaráðherra hefur samþykkt tillögur ráðgjafarnefndar Jöfnunarsjóðs sveitarfélaga, annars vegar um áætlun um úthlutun framlaga til sveitarfélaga vegna lækkaðra fasteignaskattstekna á árinu 2008 og hins vegar um áætlun um úthlutun framlaga til sveitarfélaga vegna nýbúafræðslu í grunnskólum á árinu 2008.

Þriðji og síðasti morgunverðarfundur í fundaröð verkefnisstjórnar 50+ var haldinn fimmtudaginn 15. nóvember 2007.

Frumvarp félagsmálaráðherra, Jóhönnu Sigurðardóttur, um breytingu á lögum nr. 22/2006, um greiðslur til foreldra langveikra eða alvarlega fatlaðra barna, hefur verið lagt fram á Alþingi.

Félagsmálaráðherra fagnar umtalsverðum breytingum varðandi verkefni á sviði málefna aldraðra og lífeyrismála sem kveðið er á um í nýju frumvarpi sem dreift var á Alþingi í gær.

Félagsmálaráðherra hefur í samræmi við þingsályktun um aðgerðaáætlun til fjögurra ára til að styrkja stöðu barna og ungmenna, sem samþykkt var á 134. löggjafarþingi, skipað nefnd er fjalli um stöðu einstæðra og forsjárlausra foreldra og réttarstöðu barna þeirra.

Félag um foreldrajafnrétti hélt á feðradaginn ráðstefnuna „Réttindi barns við skilnað“. Á ráðstefnunni fjallaði félagsmálaráðherra um „Barnið í nútímafjölskyldunni“ og tilkynnti um skipan nefndar sem ætlað er að fjalla um stöðu einstæðra og forsjárlausra foreldra og réttarstöðu barna þeirra.

Hinn 7. nóvember sl. var afhjúpaður minnisvarði um Bríeti Bjarnhéðinsdóttur.

Nú er að fara af stað samvinnuverkefni félagsmálaráðuneytisins og margra aðila um jafnréttisfræðslu í leikskólum og grunnskólum. Verkefnið verður unnið í skólum í Reykjavík, Kópavogi, Hafnarfirði og Akureyri. Félagsmálaráðuneytið, Jafnréttisstofa og Jafnréttisráð eru aðilar að verkefninu ásamt fyrrnefndum sveitarfélögum.

Fjölmenningarsetur leitar að verkefnastjóra við að þróa verkefni og móta ferli við móttöku innflytjenda í íslensku samfélagi. Markmiðið með þessu nýja starfi er að auðvelda samskipti á þessu sviði og efla þátttöku innflytjenda í samfélaginu.

Félagsmálaráðherra ávarpaði í dag þing Landssambands íslenskra verzlunarmanna. Þingið er haldið á 50 ára afmæli landssambandsins og árnaði félagsmálaráðherra félagsmönnum þess heilla og þakkaði það kraftmikla og oft á tíðum brautryðjendastarf sem unnið hafi verið á þeirra vegum að hagsmunum launþega.

Félagsmálaráðherra og borgarstjóri undirrituðu í morgun samning um móttöku og fjölþætta aðstoð og þjónustu við flóttafólk 2007–2008.

Félagsmálaráðherra ávarpaði í dag málþing Samtaka félagsmálastjóra sem haldið var undir yfirskriftinni „Nýir tímar - hvert stefnir?“ og var haldið í samvinnu við Velferðarsvið Reykjavíkurborgar.

Jóhanna Sigurðardóttir félagsmálaráðherra hefur skipað tvo starfshópa til að fylgja eftir stefnuyfirlýsingu ríkisstjórnarinnar í jafnréttismálum. Þar er megináherslan lögð á að unnið verði markvisst gegn kynbundnum launamun.

Jóhanna Sigurðardóttir félagsmálaráðherra afhenti í dag viðurkenningu Jafnréttisráðs á Hilton Reykjavik Nordica og að þessu sinni var viðurkenningin veitt Menntaskólanum í Kópavogi, en þetta var í sextánda skiptið sem viðurkenningin er veitt.

Félagsmálaráðherra flutti ávarp 23. október 2007 á ráðstefnu Vinnueftirlits ríkisins í tilefni af upphafi vinnuverndarvikunnar sem nú stendur. Yfirskrift vinnuverndarvikunnar er „Hæfilegt álag er heilsu best“.

Í tilefni af kvennafrídeginum í dag, 24. október, er dagskrá félagsmálaráðherra þétt skipuð. Jóhanna Sigurðardóttir segir það augljóst að breytinga sé þörf í jafnréttismálum.

Bæklingurinn Fyrstu skrefin hefur að geyma nauðsynlegustu upplýsingar fyrir innflytjendur sem ætla að setjast að á Íslandi. Textinn er bæði á íslensku og erlenda tungumálinu. Innflytjendaráð stendur að útgáfu bæklingsins í samvinnu við fjölmarga aðila.

Verkefnisstjórn 50+ mun halda þrjá morgunverðarfundi á næstunni á Grand Hótel Reykjavík.

Félagsmálaráðherra hefur samþykkt tillögur ráðgjafarnefndar Jöfnunarsjóðs sveitarfélaga um úthlutanir framlaga til sveitarfélaga á grundvelli reglna nr. 884/2007.

Skýrsla um aðstæður fólks á húsnæðismarkaði var kynnt á blaðamannafundi í félagsmálaráðuneytinu í dag.

Þriðjudaginn 9. október kemur hópur kólumbískra flóttamanna til landsins í boði íslenskra stjórnvalda. Alls taka stjórnvöld á móti 30 kólumbískum flóttamönnum í ár. Um er að ræða konur og börn.

Félagsmálaráðherra hefur, að höfðu samráði við Samband íslenskra sveitarfélaga, gefið út reglur um ráðstöfun 1.400 m.kr. aukaframlagsins til sveitarfélaga á árinu 2007. Framlaginu er ætlað að jafna aðstöðumun sveitarfélaga sem talin eru í mestri þörf fyrir sérstakt viðbótarframlag vegna þróunar í rekstrarumhverfi þeirra og erfiðra ytri aðstæðna. Á grundvelli viljayfirlýsingar ríkisstjórnar Íslands og Sambands íslenskra sveitarfélaga frá 22. mars 2007 nemur þetta tímabundna aukaframlag 1.400 milljónum króna á árunum 2007 og 2008.

Lesa meira

Í kjölfar frétta af neyðarástandi í húsnæðismálum einstæðra foreldra hafði félagsmálaráðherra frumkvæði að viðræðum við borgarstjórann í Reykjavík og forystumenn Félags einstæðra foreldra um mögulegar lausnir á vandanum. Niðurstaða þessara aðila er að grípa þegar til sameiginlegra aðgerða sem á næstu vikum ættu að geta hátt í tvöfaldað skammtíma neyðar vistunarrými á vegum Félags einstæðra foreldra.

Lesa meira

Á vegum félagsmálaráðuneytisins verður á næstu tveimur árum varið ríflega 1.125 milljónum til mótvægisaðgerða í fimm aðskildum verkefnum sem nýtast munu um allt land. Verkefnin eru hluti af viðamiklum mótvægisaðgerðum ríkisstjórnarinnar vegna skerðingar aflaheimilda í þorski sem kynntar hafa verið.

Hinn 19. ágúst síðastliðinn voru úrslit í ljósmyndasamkeppninni í tilefni Árs jafnra tækifæra kunngjörð í Norræna húsinu. Sýning með völdum myndum úr keppninni var einnig opnuð á sama stað og verða myndirnar til sýnis fram til 26. ágúst næstkomandi.

Jóhanna Sigurðardóttir, félagsmálaráðherra, hefur skipað níu manna Jafnréttisráð í samræmi við lög um jafna stöðu og jafnan rétt kvenna og karla, nr. 96/2000.

Menntamálaráðuneytið hefur auglýst eftir umsóknum um styrki til námskeiða í íslensku haustið 2007.

Félagsmálaráðherra hefur skipað Hrannar Björn Arnarsson formann innflytjendaráðs og Guðrúnu Ögmundsdóttur formann flóttamannanefndar.

Í gær og dag hafa fjölmiðlar vakið athygli á mismunandi launakjörum sem fatlaðir og ófatlaðir búa við í sameiginlegu átaksverkefni ÍTR og Svæðisskrifstofu um málefni fatlaðra í Reykjavík. Eftir að hafa kynnt sér málið hefur félagsmálaráðherra ákveðið að veita sérstakan styrk til verkefnisins svo mismunun þessi verði leiðrétt nú þegar.

Tillögu til þingsályktunar um fjögurra ára aðgerðaáætlun í þágu barna og ungmenna verður dreift á Alþingi í dag.

Lesa meira

Efnt verður til samráðsfundar með norskri „jafnlaunanefnd“ í Norræna húsinu föstudaginn 25. maí og hefst fundurinn klukkan 9. Nefndinni er ætla að kanna hvaða þættir séu líklegir til að draga úr launamun kynjanna. Fundurinn er opinn fjölmiðlum.

Ísland hefur undirritað samning Sameinuðu þjóðanna um réttindi fatlaðs fólks og viðbótarbókun samningsins. Harald Aspelund, varafastafulltrúi Íslands gagnvart Sameinuðu þjóðunum, skrifaði undir samninginn fyrir Íslands hönd klukkan 16.25 að íslenskum tíma í dag. Fjölmenni á ráðstefnunni mótum framtíð fylgdist með beinni sjónvarpsútsendingu frá athöfninni í höfuðstöðvum Sameinuðu þjóðanna í New York.

Magnús Stefánsson félagsmálaráðherra hefur skipað verkefnisstjórn sem á að fjalla um breytingar á verkaskiptingu ríkis og sveitarfélaga á sviði velferðarmála. Jafnframt skipaði félagsmálaráðherra í nefnd sem fjallar um breytingar á verkaskiptingu ríkis og sveitarfélaga á sviði málefna fatlaðra.

Frumvarp nefndar um endurskoðun laga nr. 96/2000 um jafna stöðu og jafnan rétt kvenna og karla er komið í opið umsagnarferli og birt á heimasíðu félagsmálaráðuneytisins.

Ráðgjafarnefnd Jöfnunarsjóðs sveitarfélaga hefur samþykkt að leggja til að áætlun um heildarúthlutun úgjaldajöfnunarframlaga á árinu 2007, sbr. 13. gr. rgl. nr. 113/2003, nemi 3.700 milljónum króna.

Foreldrar fá leiðréttingu á fæðingarorlofsgreiðslum komi í ljós við endurskoðun Fæðingarorlofssjóðs að þeir hafi orðið fyrir skerðingu vegna þess að mið var tekið af fyrri fæðingarorlofsgreiðslum. Foreldrar eru hvattir til að senda Fæðingarorlofssjóði beiðni um endurupptöku máls síns sem fyrst.

Í heimsókn sinni í sendiráð Íslands í Brussel í síðustu viku opnaði Magnús Stefánsson félagsmálaráðherra sérstakt vefsvæði, Brussel-setrið, sem tileinkað er þeim málaflokkum EES-samningsins sem varða félagsmálaráðuneytið.

Ríkisstjórn Íslands hefur samþykkt stefnu um aðlögun innflytjenda að íslensku samfélagi sem innflytjendaráð hefur unnið á undanförnum misserum.

Íbúðalánasjóður veitir nú á vefsíðu sinni grunnupplýsingar um íbúðalán sjóðsins á 8 erlendum tungumálum.