Úrskurðarnefnd atvinnuleysistrygginga og vinnumarkaðsaðgerða

Til nefndarinnar er unnt að kæra ákvarðanir Vinnumálastofunar sem teknar eru á grundvelli laga um atvinnuleysistryggingar nr. 54/2006.

Kærufrestur

Kærufrestur er þrír mánuðir frá því að aðila máls var tilkynnt um ákvörðun.

Kæran telst nægjanlega snemma fram komin ef póststimpill bréfs sem hefur hana að geyma sýnir að kæran hefur verið send nefndinni áður en fresturinn er liðinn.

Málsmeðferð hjá nefndinni

Eftir að erindi berst úrskurðarnefndinni er það lagt fram á næsta fundi kærunefndar. Sé málatilbúnaður kæranda fullnægjandi er Vinnumálastofnun veittur tveggja vikna frestur til að tjá sig um kæruna.

Málsmeðferð fyrir úrskurðarnefndinni skal að jafnaði vera skrifleg en þó getur nefndin kallað málsaðila eða fulltrúa þeirra á sinn fund.

Úrskurðarnefndin skal tryggja að aðili máls eigi þess kost að tjá sig áður en nefndin úrskurðar í því, enda telji nefndin að hvorki afstaða hans né rök fyrir henni liggi fyrir í gögnum málsins.

Greinargerð kærða er lögð fram og afrit sent kæranda. Þegar allar upplýsingar eru taldar liggja fyrir er málið tekið til úrskurðar.

Úrskurðir nefndarinnar fela í sér endanlega stjórnvaldsákvörðun.

Stjórnsýslukæra frestar ekki réttaráhrifum ákvörðunar.

Málsmeðferðartími

Úrskurðarnefnd atvinnuleysistrygginga og vinnumarkaðsaðgerða leitast við að kveða upp úrskurð innan tveggja mánaða frá því að henni berst mál.

Kostnaður

Málsmeðferð er aðilum máls að kostnaðarlausu.

Eyðublað

Kærueyðublöð liggja frammi hjá eftirtöldum stofnunum:

• Velferðarráðuneytinu, Hafnarhúsinu v/Tryggvagötu í Reykjavík
• Vinnumálastofnun, Hafnarhúsinu v/Tryggvagötu í Reykjavík
• Þjónustuskrifstofum Vinnumálastofnunar um land allt

Kæra verður að vera skrifleg, en ekki er nauðsynlegt að eyðublaðið sé notað. Kæra þarf að berast úrskurðarnefnd undirrituð af þeim sem kærir eða þeim sem hefur fengið umboð til þess, þá ásamt umboði.

Eyðublað á rafrænu formi

Fylgigögn

Þegar kæra er lögð inn er mikilvægt að henni fylgi öll nauðsynleg gögn. Hér getur til dæmis verið um að ræða umsókn um atvinnuleysisbætur, yfirlit um greiðslur atvinnuleysisbóta, tilkynning um úrskurð Vinnumálastofnunar o.s.frv.

Aðsetur nefndarinnar

Úrskurðarnefnd atvinnuleysistrygginga og vinnumarkaðsaðgerða
Hafnarhúsinu v/Tryggvagötu
150 Reykjavík

Birting úrskurða

Úrskurðir úrskurðarnefndarinnar voru fram til ársins 2007 birtir á vef Vinnumálastofnunar en frá upphafi ársins 2008 eru úrskurðir nefndarinnar birtir jafnóðum á vef réttarheimilda

Nöfn einstaklinga og heimilisföng koma ekki fram við opinbera birtingu.

Nefndarmenn

Lög og reglugerðir á sviði vinnumála