Framkvæmdasjóður aldraðra

Auglýsing vegna umsókna fyrir árið 2010

Auglýst er eftir umsóknum um framlög úr Framkvæmdasjóði aldraðra árið 2010.

Sjóðurinn starfar samkvæmt lögum um málefni aldraðra nr. 125/1999 og reglugerð nr. 1033/2004. Samstarfsnefnd um málefni aldraðra fer með stjórn sjóðsins og gerir tillögur til félags- og tryggingamálaráðherra um úthlutun úr honum.

Heimilt er að veita framlag úr Framkvæmdasjóði aldraðra til eftirtalinna verkefna:

1. Bygginga þjónustumiðstöðva aldraðra og dagvista.
2. Bygginga  dvalarheimila og sambýla.
3. Bygginga hjúkrunarheimila eða hjúkrunarrýma á öldrunarstofnunum.
4. Breytinga og endurbóta á húsnæði stofnana sbr. a – c lið.
5. Annarra verkefna sem stuðla að uppbyggingu öldrunarþjónustu.

Við ákvörðun um úthlutun verður höfð hliðsjón af stefnu félags- og tryggingamálaráðherra í öldrunarmálum einkum varðandi fækkun fjölbýla á hjúkrunarheimilum. Skilyrði fyrir framlögum til byggingaframkvæmda, breytinga og endurbóta á húsnæði er að framkvæmdir taki mið af viðmiðum félags- og tryggingamálaráðuneytisins  um skipulag hjúkrunarheimila.

Umsóknarfrestur er til  15. janúar 2010. Umsóknum skal skila til félags- og tryggingamálaráðuneytisins, Hafnarhúsinu v/Tryggvagötu, 150 Reykjavík, á eyðublöðum sem þar fást. Eyðublöðin má einnig nálgast hér:

• Umsókn vegna viðhalds og endurbóta
• Umsókn vegna nýframkvæmda
• Umsókn um framlag til annarra verkefna en byggingarframkvæmda

Samstarfsnefnd um málefni aldraðra