Atvinnuleysi er hlutfallslega mest meðal fólks undir þrítugu og nærrri 80% atvinnulauss fólks á þessum aldri er aðeins með grunnskólapróf. Miklu varðar að styðja ungt atvinnulaust fólk með litla menntun til náms eða annarrar virkni að mati vinnuhóps sem nú hefur skilað tillögum um úrbætur.

Árlegur fundur norrænna vinnumálaráðherra verður haldinn í Reykjavík á morgun. Á fundinum verður meðal annars rætt um leiðir til að sporna við vaxandi atvinnuleysi meðal ungs fólks vegna fjármálakreppunnar.

Velferðarvaktin stendur fyrir morgunverðarfundi á Grand Hótel Reykjavík miðvikudaginn 11. nóvember 2009 kl. 8.30-10.00 þar sem fjallað verður um skuldavanda heimilanna og kynnt helstu úrræði fyrir fólk í greiðsluerfiðleikum.

Ný skýrsla um atvinnuástand og þróun atvinnumála í OECD ríkjunum verður kynnt á norrænu ráðstefnunni Virkjum fjölbreyttari mannauð í Reykjavík 9.-10. nóvember. Fjallað verður um atvinnumál í víðu samhengi, áhrif atvinnuleysis og leiðir til að berjast gegn því og afleiðingum þess.

Félags- og tryggingamálaráðherra kynnti í dag úthlutun 30 milljóna króna úr starfsmenntasjóði til 17 starfsmenntunarverkefna sem tengjast erfiðri stöðu á vinnumarkaði.

Ásta R. Jóhannesdóttir, félags- og tryggingamálaráðherra, veitti í dag 25 milljónir króna í styrki til atvinnumála kvenna. Sótt var um styrki til 261 verkefnis og hafa umsóknir aldrei verið fleiri.

Mikil aðsókn var á námsstefnu um vinnumarkaðsúrræði sem haldin var í dag á vegum félags- og tryggingamálaráðuneytisins og Reykjavíkurborgar. Námsstefnunni var sjónvarpað á Netinu og er upptaka aðgengileg á vef ráðuneytisins.

Félags- og tryggingamálaráðherra hefur lagt fram á Alþingi skýrslu um 97. Alþjóðavinnumálaþingið í Genf 2008. Meðal efnis í skýrslunni er yfirlýsing þingsins um félagslegt réttlæti fyrir sanngjarna alþjóðavæðingu.

Ásta R. Jóhannesdóttir, félags- og tryggingamálaráðherra, og Nancy Allan, ráðherra atvinnu- og inflytjendamála í Manitoba í Kanada, hafa undirritað samkomulag sem skapar tímabundna atvinnumöguleika fyrir Íslendinga.

Vinnumálastofnun hefur birt á heimasíðu sinni helstu reglur, eyðublöð og aðrar upplýsingar um vinnumarkaðsúrræði sem stofnunin annast, svo sem námskeið, starfstengd úrræði, atvinnutengda endurhæfingu og ráðgjöf.