Sérverkefni
Evrópuár um virkni aldraðra
Evrópusambandið tileinkar árið 2012 virkni á efri árum og samstöðu milli kynslóða (e. European Year for Active Ageing and Solidarity between Generations) og er Ísland þátttakandi í verkefnum og viðburðum sem því tengjast. Evrópuárinu 2012 er ætlað að opna augu almennings fyrir framlagi eldra fólks til samfélagsins og hvernig slíkt má styðja.
Málefni aldraðra til sveitarfélaga
Í samræmi við stefnuyfirlýsingu ríkisstjórnarinnar er unnið að því að flytja ábyrgð á helstu meginþáttum þjónustu við aldraða frá ríki til sveitarfélaga. Nefnd á vegum velferðarráðherra sem skipuð er fulltrúum hlutaðeigandi ráðuneyta, Sambandi íslenskra sveitarfélaga og annarra hagsmunaaðila, svo sem fulltrúum félagasamtaka aldraðra, samtaka fyrirtækja í heilbrigðisþjónustu og stéttarfélaga starfsmanna, vinnur að undirbúingi yfirfærslunnar.
Notendastýrð persónuleg aðstoð (NPA)
Viðhorf og stefna í þjónustu við fatlað fólk og aðra sem þarfnast félagslegrar þjónustu eru að breytast með nýjum tímum og nýjum áherslum, ekki síst þeim að einstaklingsbundnar þarfir notenda þjónustunnar séu í fyrirrúmi og ráði æ meiru um hvenær, hvernig og í hve miklum mæli hún sé veitt.
Neysluviðmið fyrir heimili á Íslandi
Velferðarráðherra hefur lagt fram skýrslu sérfræðingahóps um neysluviðmið fyrir heimili á Íslandi. Skýrslan er lögð fram til almennrar kynningar og umræðu og birt á vef ráðuneytisins ásamt reiknivél þar sem einstaklingar geta mátað sig að neysluviðmiðunum í samræmi við eigin aðstæður. Á vefnum er einnig unnt að senda ráðuneytinu athugasemdir og ábendingar varðandi viðmiðin til 7. mars næstkomandi.
Málefni fatlaðra til sveitarfélaga
Ákvörðun um að hefja endurskoðun á verkaskiptingu milli ríkis og sveitarfélaga var tekin á samráðsfundi ríkis og sveitarfélaga sem haldinn var 16. febrúar 2007. Alþingi samþykkti 17. desember 2010, frumvarp til breytinga á lögum um málefni fatlaðra um flutning málaflokksins frá ríki til sveitarfélaga 1. janúar 2011. Samþykkt var breyting á heiti laganna og heita þau nú lög um málefni fatlaðs fólks.
Velferðarvaktin
Félags- og tryggingamálaráðherra hefur skipað stýrihóp um velferðarvakt sem ætlað er að fylgjast með félagslegum jafnt sem fjárhagslegum afleiðingum bankahrunsins fyrir fjölskyldur og einstaklinga í landinu með markvissum hætti og gera tillögur um aðgerðir í þágu heimilanna.
Aðgerðaáætlun vegna ofbeldis á heimilum og kynferðislegs ofbeldis
Gerð aðgerðaáætlunarinnar byggði á tillögu félagsmálaráðherra og dómsmálaráðherra frá október 2005 um að hafin yrði vinna við gerð aðgerðaáætlunar vegna ofbeldis á heimilum og kynferðislegs ofbeldis gegn konum og börnum.
Ráðstefnur
Efni tengt ráðstefnum sem ráðuneytið hefur átt aðild að.