Fjárhagsaðstoð við lifandi líffæragjafa

Skrifað undir samningLög um réttindi lifandi líffæragjafa til tímabundinnar fjárhagsaðstoðar tryggja líffæragjöfum tímabundna fjárhagsaðstoð þegar þeir geta hvorki stundað vinnu né nám vegna líffæragjafar.

Sá sem hefur verið í samfelldu starfi á innlendum vinnumarkaði í sex mánuði áður en hann verður óvinnufær vegna líffæragjafar getur átt rétt á tekjutengdum greiðslum. Er þá miðað við tekjuárið á undan því ári sem viðkomandi leggur niður launuð störf. Sá sem hefur verið í námi í a.m.k. sex mánuði á síðustu tólf mánuðum  áður en hann verður  að gera  hlé á námi vegna líffæragjafar getur átt rétt á fastri greiðslu.

Hámarksgreiðslutímabil  er þrír mánuðir.

Tryggingastofnun ríkisins annast framkvæmd fjárhagsaðstoðar við lifandi líffæragjafa. Á vef stofnunarinnar eru nánari upplýsingar um framkvæmdina ásamt eyðublaði fyrir umsókn um fjárhagsaðstoð.


Til baka Senda grein