Stefnumörkun í tóbaksvörnum
Guðbjartur Hannesson velferðarráðherra hefur skipað starfshóp til að marka stefnu í tóbaksvörnum. Miðað er við að stefna og meginmarkmið liggi fyrir vorið 2013.
Starfshópurinn mun taka mið af þeim áherslum sem fram koma í tillögu til þingsályktunar um velferðarstefnu – heilbrigðisáætlun til ársins 2020 eftir því sem við á. Einnig skal starfshópurinn hafa hliðsjón af rammasamningi Alþjóðaheilbrigðismálastofnunarinnar um tóbaksvarnir, lögum og öðrum stjórnvaldsfyrirmælum og horfa til nýjustu þekkingar á sviði tóbaksvarna.