Fréttir
  • Eygló Harðardóttir ráðherra og Robert Cushman Barber sendiherra
    Eygló Harðardóttir ráðherra og Robert Cushman Barber sendiherra

Tvíhliða samningur Íslands og Bandaríkjanna um almannatryggingar

28/9/2016

Tekist hefur tvíhliða samningur um almannatryggingar milli Íslands og Bandaríkjanna. Eygló Harðardóttir, félags- og húsnæðismálaráðherra, og Robert Cushman Barber, sendiherra Bandaríkjanna á Íslandi, undirrituðu samninginn fyrir hönd ríkjanna í velferðarráðuneytinu í gær.

Í framhaldi af þessari undirritun munu stjórnvöld beggja ríkja undirbúa fullgildingu samningsins þannig að hann öðlist gildi sem fyrst. Þegar samningurinn hefur verið fullgiltur mun hann tryggja bæði Íslendingum sem starfa í Bandaríkjunum og Bandaríkjamönnum sem starfa á Íslandi aðgang að almannatryggingum, þ.e. elli- og örorkulífeyri, og lífeyrissjóðum í viðkomandi landi.

Til baka Senda grein