Tillögur tekjustofnanefndar og skýrsla um undanþágur frá fasteignaskatti

Tekjustofnanefnd skilaði hinn 17. mars sl. til félagsmálaráðherra tillögum um breytingar á tekjustofnum sveitarfélaga. Samkvæmt útreikningum sveitarstjórnarskrifstofu félagsmálaráðuneytisins fela tillögur nefndarinnar í sér varanlega tekjuaukningu fyrir sveitarfélögin sem nemur rúmlega 1,5 milljörðum króna á ári en á árunum 2005-2008 er gert ráð fyrir að fjárhagsleg áhrif tillagnanna og annarra breytinga á tekjustofnum sveitarfélaga sem gerð er grein fyrir í tillögum nefndarinnar nemi um 9,5 milljörðum króna.

Hér má sjá tillögurnar í heild og einnig skýrslu nefndar um fækkun undanþága frá fasteignaskatti. Rétt er að taka það fram að skýrslan var unnin á árinu 2001 og frá þeim tíma hafa orðið ýmsar breytingar á undanþáguákvæðum sem fjallað er um í skýrslunni. Sérstaklega á þetta við um undanþáguákvæði vegna orkufyrirtækja. Hafa ber þennan fyrirvara í huga varðandi útreikninga og aðrar forsendur fyrir tillögum nefndarinnar.

Skilabréf og tillögur tekjustofnanefndar (PDF, 100 KB)

Skýrsla nefndar um undanþágur frá fasteignaskatti (PDF, 500 KB)