Hoppa yfir valmynd
19. mars 2010 Félags- og vinnumarkaðsráðuneytið, Heilbrigðisráðuneytið

Nýja hjúkrunarheimilið við Boðaþing í Kópavogi var vígt í dag

Gunnsteinn Sigurðsson, bæjarstjóri, Árni Páll Árnason, félags- og tryggingamálaráðherra og Guðmundur Hallvarðsson, stjórnarformaður Hrafnistu
Picture-022

Vígsla Hrafnistu í Kópavogi sem er nýtt hjúkrunarheimili við Boðaþing fór fram í dag. Framkvæmdum er að ljúka og munu fyrstu íbúarnir flytja inn á næstunni. Bygging hjúkrunarheimilisins fer fram í áföngum. Byggingin sem nú er risin er í tveimur tveggja hæða álmum með samtals 44 íbúðum. Í öðrum áfanga verður bætt við tveimur álmum til viðbótar með jafnmörgum rýmum og er áætlað að því verki verði lokið á næstu tveimur til þremur árum.

Tónlistarflutningur við vígslu BoðaþingsVerkkaupar framkvæmdarinnar eru félags- og tryggingamálaráðuneytið og Kópavogsbær. Sjómannadagsráði, eiganda Hrafnistu, hefur verið falið að annast rekstur heimilisins og verður það starfrækt undir nafninu Hrafnista Kópavogi. Heimilið verður rekið á forsendum nýrrar hugmyndafræði í öldrunarþjónustu þar sem lögð er aukin áhersla á heimilislegt samfélag með þátttöku íbúa, aðstandenda og starfsfólks. Hönnun húsnæðisins tók mið af þessu og myndar litlar heimilislegar einingar. Hver heimiliseining er með með íbúðum, sameiginlegu eldhúsi og borðstofu sem miðju fyrir daglegt líf á heimilinu. Persónuleg rými eru stór og björt með sér baðherbergi og te-eldhúsi.

Umsjón og daglegt eftirlit með framkvæmdunum hefur verið á hendi Framkvæmdasýslu ríkisins, arkítektar eru THG arkítektar, burðarþol og lagnir hannaði VSÓ ráðgjöf og lóð hannaði Landark ehf. Verktaki er Mark-Hús ehf.

Nánari upplýsingar og myndir á heimasíðu Framkvæmdasýslu ríkisins

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum