Starfsemi MND félagsins styrkt

Guðlaugur Þór Þórðarson, heilbrigðisráðherra, afhenti MND félaginu styrk til rekstar starfsemi sinnar í gær. Guðlaugur Þór Þórðarson afhenti forsvarsmönnum MND félagsins styrkinn í gær, en ráðherra ákvað að senda ekki út jóla-og áramótakveðjur heilbrigðisráðuneytisins en færa MND félaginu frekar rekstrarstyrk. Upphæðin var um 500 þúsund krónur. Við sama tækifæri afhentu Grímur Sæmundsen, forstjóri Bláa lónsins, og Suðurnesjamennirnir, Ásmundur Friðriksson og Axel Jónsson, MND félaginu tvær milljónir króna. Þeir beittu sér, ásamt forsvarsmönnum Bláa lónsins, fyrir söfnun fjárins meðal gesta í hátíðarkvöldverði sem haldin var í Bláa lóninu í samstarfi við Sparisjóðinn í Keflavík og Bláa Lónið fyrir skemmstu. Þess utan lögðu fyrirtæki á Suðurnesjum sitt af mörkum.

Berglind Ásgeirsdóttir, ráðuneytisstjóri, Grímur og Axel við athöfnina í gær.