Úrskurðarnefnd velferðarmála - Félagsþjónusta og húsnæðismál

Hvað er hægt að kæra?

Til nefndarinnar er unnt að skjóta ákvörðun félagsmálanefndar samkvæmt lögum um félagsþjónustu sveitarfélaga, nr. 40/1991og lögum um húsaleigubætur, nr. 138/1997, ákvörðun húsnæðisnefnda og Íbúðalánasjóðs samkvæmt lögum um húsnæðismál, nr. 44/1998 og ákvörðun félagsmálanefndar samkvæmt lögum um málefni fatlaðs fólks nr. 59/1992.

Kærufrestur

Kærufrestur er þrír mánuðir frá því að aðila máls var tilkynnt um ákvörðun.

Málsmeðferð hjá nefndinni

Nefndin skal kveða upp úrskurð innan þriggja mánaða frá því að henni berst mál.

  • Kæra er móttekin.
  • Nefndin óskar eftir gögnum máls frá sveitarfélagi/Íbúðalánasjóði.
  • Gögn máls eru send kæranda til athugasemda.
  • Nefndin tekur málið til úrskurðar þegar rannsókn þess er lokið.
  • Kæranda/kærendum er sendur skriflegur úrskurður og fær sveitarfélag/Íbúðalánasjóður afrit hans.

Kostnaður

Málsmeðferð er aðilum máls að kostnaðarlausu.

Eyðublað

Kæruna skal undirrita áður en hún er send til úrskurðarnefndar velferðarmála. Nauðsynlegt að senda umboð með kæru þegar kærandi veitir öðrum aðila umboð til að fara með mál fyrir sín hönd.

Mælt er með notkun Acrobat Reader við útfyllingu eyðublaða á PDF formi. Notkun annarra forrita eða viðbóta við vafra geta valdið vandræðum með íslenska stafi. Vistið skjalið inn á tölvuna ykkar með því að hægri-smella á krækjuna og velja Vista sem/Save link as/Save taget as (mismunandi eftir vöfrum). Opnið síðan skjalið á venjulegan hátt í Acrobat Reader, fyllið það út og vistið.

Fylgigögn

Kæru skal fyrlgja afrit af ákvörðun félagsmálanefndar, húsnæðisnefndar eða Íbúðalánasjóðs og önnur afrit af gögnum telji kærandi þess þörf.

Aðsetur nefndarinnar

Úrskurðarnefnd velferðarmála
Hafnarhúsinu v/Tryggvagötu
101 Reykjavík

Opnunartími kl. 10-12 og 13-15, mánudaga–föstudaga
Sími: 551 8200
Netfang: postur@urvel.is

Birting úrskurða

Úrskurðir nefndarinnar eru birtir á urskurdir.is.

Til baka Senda grein