Til að koma í veg fyrir misskilning vill félags- og tryggingamálaráðuneytið taka það skýrt fram að fjárhæð vasapeninga til aldraðra á stofnunum verður ekki lækkuð árið 2010. Óskertir vasapeningar eru 41.895 krónur á mánuði.

Auglýst er eftir umsóknum frá sveitarfélögum um styrki til verkefna sem ætlað er að efla stuðnings- og nærþjónustu við langveik börn og börn með ofvirkni og athyglisbrest. Umsóknarfrestur er til 15. janúar 2010.

Félags- og tryggingamálaráðherra hefur ákveðið að verja 1,3 milljörðum króna árið 2010 í stórátak til að skapa fjölbreytt tækifæri fyrir fólk án atvinnu til starfa, menntunar eða annars konar virkni.

Félags- og tryggingamálaráðuneytið hefur uppfært grunnfjárhæðir vegna fjárhagsaðstoðar sveitarfélaga í samræmi við hækkun á neysluverðsvísitölu.

Innflytjendaráð auglýsir eftir umsóknum um styrki úr þróunarsjóði innflytjendamála. Tilgangur sjóðsins er að efla rannsóknir og þróunarverkefni á sviði innflytjendamála.

Atvinnuleysi er hlutfallslega mest meðal fólks undir þrítugu og nærrri 80% atvinnulauss fólks á þessum aldri er aðeins með grunnskólapróf. Miklu varðar að styðja ungt atvinnulaust fólk með litla menntun til náms eða annarrar virkni að mati vinnuhóps sem nú hefur skilað tillögum um úrbætur.

Fjallað verður um áhrif alþjóðlegu fjármálakreppunnar á húsnæðismarkaði norrænu ríkjanna og velferðarkerfi þeirra, á norrænni ráðstefnu sem haldin verður í Reykjavík fimmtudaginn 26. nóvember.

Sýni atvinnulífið ekki fljótlega marktækan árangur í því að rétta hlut kvenna í stjórnum fyrirtækja er einboðið að taka upp kynjakvóta. Þetta kom fram í máli félags- og tryggingamálaráðherra við setningu norrænu ráðstefnunnar um Kyn og völd sem nú stendur yfir.

Árlegur fundur norrænna vinnumálaráðherra verður haldinn í Reykjavík á morgun. Á fundinum verður meðal annars rætt um leiðir til að sporna við vaxandi atvinnuleysi meðal ungs fólks vegna fjármálakreppunnar.

Velferðarvaktin stendur fyrir morgunverðarfundi á Grand Hótel Reykjavík miðvikudaginn 11. nóvember 2009 kl. 8.30-10.00 þar sem fjallað verður um skuldavanda heimilanna og kynnt helstu úrræði fyrir fólk í greiðsluerfiðleikum.

Ný skýrsla um atvinnuástand og þróun atvinnumála í OECD ríkjunum verður kynnt á norrænu ráðstefnunni Virkjum fjölbreyttari mannauð í Reykjavík 9.-10. nóvember. Fjallað verður um atvinnumál í víðu samhengi, áhrif atvinnuleysis og leiðir til að berjast gegn því og afleiðingum þess.

Áhrif fjármálakreppunnar á konur og karla voru til umræðu á fundi norrænu jafnréttisráðherranna sem haldinn var hér á landi fimmtudaginn 5. nóvember.

Samningar við fjármálafyrirtæki, lífeyrissjóði og Íbúðalánasjóð um úrræði vegna skuldavanda einstaklinga og heimila og framkvæmd þeirra voru undirritaðir í félags- og tryggingamálaráðuneytinu í dag.

Félags- og tryggingamálaráðherra kynnti í dag úthlutun 30 milljóna króna úr starfsmenntasjóði til 17 starfsmenntunarverkefna sem tengjast erfiðri stöðu á vinnumarkaði.

Félags- og tryggingamálaráðherra hefur skipað Þórhildi Þorleifsdóttur formann Jafnréttisráðs. Hlutverk ráðsins er að stuðla að jafnri stöðu og jöfnum rétti kvenna og karla á vinnumarkaði, veita stjórnvöldum ráðgjöf og gera tillögur til félags- og tryggingamálaráðherra um aðgerðir á þessu sviði.

Niðurstöður tveggja nýrra kannana sem gerðar hafa verið í samræmi við aðgerðaáætlun stjórnvalda til að sporna við ofbeldi á heimilum og kynferðislegu ofbeldi voru kynntar í dag.

Vegna misskilnings sem fram hefur komið í fjölmiðlum vill félags- og tryggingamálaráðuneytið árétta að upphæð vasapeninga til aldraðra á stofnunum verður ekki lækkuð. Óskertir vasapeningar eru 41.895 kr. á mánuði.

Velferðarvaktin hefur óskað eftir samstarfi við Reykjavíkurborg, Reykjanesbæ og Árborg um gerð könnunar til að greina ástæður þess að tilkynningum til barnaverndarnefnda hefur fjölgað á undanförnum mánuðum.

Rúmlega 30 manns leituðu ráðgjafar í nýrri starfsstöð Ráðgjafarstofu um fjármál heimilanna sem tók til starfa í dag. Síðdegis hitti félags- og tryggingamálaráðherra starfsfólkið og kynnti sér starfsemina.

Kaup á vændi eru nú refsiverð samkvæmt breytingu á hegningarlögum sem samþykkt hefur verið á Alþingi. Félags- og tryggingamálaráðherra segir þetta mikilvægan áfanga í baráttunni gegn mansali.

Ásta R. Jóhannesdóttir, félags- og tryggingamálaráðherra, veitti í dag 25 milljónir króna í styrki til atvinnumála kvenna. Sótt var um styrki til 261 verkefnis og hafa umsóknir aldrei verið fleiri.

Ásta R. Jóhannesdóttir, félags- og tryggingamálaráðherra, tók í dag á móti starfssystur sinni, Viera Tombanova, ráðherra félags-, vinnu- og fjölskyldumála í Slóvakíu. Ráðherrann er hér á landi til að kynna sér íslenska velferðarkerfið.

Samþykkt var á Alþingi í dag frumvarp til laga um breytingu á barnalögum og barnaverndarlögum til að vernda börn gegn hvers konar ofbeldi.

Mikil aðsókn var á námsstefnu um vinnumarkaðsúrræði sem haldin var í dag á vegum félags- og tryggingamálaráðuneytisins og Reykjavíkurborgar. Námsstefnunni var sjónvarpað á Netinu og er upptaka aðgengileg á vef ráðuneytisins.

Jafnréttisvaktin sem skipuð er af félags- og tryggingamálaráðherra hefur opnað vefsvæði þar sem unnt er að beina til hennar ábendingum sem nýst geta við að greina og meta áhrif efnahagsástandsins á stöðu kynjanna.

Félags- og tryggingamálaráðherra hefur lagt fram á Alþingi skýrslu um 97. Alþjóðavinnumálaþingið í Genf 2008. Meðal efnis í skýrslunni er yfirlýsing þingsins um félagslegt réttlæti fyrir sanngjarna alþjóðavæðingu.

Ásta R. Jóhannesdóttir, félags- og tryggingamálaráðherra, og Nancy Allan, ráðherra atvinnu- og inflytjendamála í Manitoba í Kanada, hafa undirritað samkomulag sem skapar tímabundna atvinnumöguleika fyrir Íslendinga.

Fjárhæðir styrkja og uppbóta vegna bifreiðakaupa hreyfihamlaðs fólks hækka um 20% og ýmis skilyrði fyrir styrkjum verða rýmkuð samkvæmt nýrri reglugerð sem félags- og tryggingamálaráðherra kynnti fyrir hagsmunaaðlum á fundi í gær.

Ásta Ragnheiður Jóhannesdóttir, félags- og tryggingamálaráðherra, heimsótti Barnaverndarstofu í gær, ræddi við starfsfólk og kynnti sér starfsemina.

Félags- og tryggingamálaráðherra, Ásta R. Jóhannesdóttir, hefur skipað Bryndísi Ísfold Hlöðversdóttur formann sjö manna vinnuhóps sem meta á sérstaklega áhrif efnahagsástandsins á stöðu kynjanna sem mun hefja störf á föstudag.

Félags- og trygginamálaráðherra sendi í byrjun vikunnar erindi til formanna stjórnmálaflokkanna og beindi þeim til mælum til þeirra að þeir leituðu leiða til að tryggja jafnræði kynjanna við uppröðun á framboðslistum fyrir alþingiskosningarnar í vor.

Jafnréttisráð fagnar sögulegum tímamótum í íslensku samfélagi á sviði jafnréttismála þar sem kona er í fyrsta sinn forsætisráðherra og hlutur kynjanna jafn meðal ráðherra. Þetta kemur fram í ályktun ráðsins.

Vinnumálastofnun hefur birt á heimasíðu sinni helstu reglur, eyðublöð og aðrar upplýsingar um vinnumarkaðsúrræði sem stofnunin annast, svo sem námskeið, starfstengd úrræði, atvinnutengda endurhæfingu og ráðgjöf.

Frestur til að sækja um framlög úr Framkvæmdasjóði aldraðra árið 2009 rennur út 10. janúar næstkomandi. Starfsemi sjóðsins fer samkvæmt ákvæðum laga um málefni aldraðra og er hlutverk hans að stuðla að uppbyggingu og efla öldrunarþjónustu um allt land.

er heiti nýútkominna fræðslurita fyrir fagstéttir sem kynnt var í dag og er ætlað að auka þekkingu þeirra sem í störfum sínum koma að málefnum kvenna sem beittar hafa verið ofbeldi.

Viðmiðunarfjárhæð vegna eignamarka við útreikning húsaleigubóta tekur breytingum 1. janúar ár hvert í samræmi við breytingar á neysluverðsvísitölu.