Alþingi samþykkti í dag frumvarp til breytinga á lögum um málefni fatlaðra sem felur í sér flutning málaflokksins frá ríki til sveitarfélaga 1. janúar 2011. Samþykkt var breyting á heiti laganna og heita þau nú lög um málefni fatlaðs fólks.

Samkomulag um flutning málefna fatlaðra tryggir óbreytt rekstrarfé til Sólheima líkt og annarra sjálfseignarstofnana á næsta ári. Íbúum verður tryggð þar áframhaldandi þjónusta þótt forsvarsmenn Sólheima dragi sig út úr rekstrinum.

Fötluðu fólki í fjölbýlishúsum verður heimilt að halda leiðsögu- eða hjálparhund í íbúð sinni án þess að þurfa til þess samþykki annarra íbúðareigenda í húsinu samkvæmt frumvarpi um breytingu á lögum um fjöleignarhús.

Guðrún Jónsdóttir, talskona Stígamóta, hlaut viðurkenningu Jafnréttisráðs fyrir árið 2010. Guðbjartur Hannesson, félags- og tryggingamálaráðherra, flutti ávarp við afhendingu viðurkenningarinnar, föstudaginn 10. desember.

Starfsendurhæfing dregur úr félagslegri einangrun, eykur sjálfstraust, hvetur fólk til náms og ætla má að með henni megi draga úr fátækt til lengri tíma litið. Þetta eru meðal niðurstaðna úr könnun á áhrifum starfsendurhæfingar sem kynnt var í dag.

Félags- og tryggingamálaráðherra afhenti fyrir helgi verðlaun í fjölmiðlasamkeppni Evrópuársins 2010 gegn fátækt og félagslegri einangrun á Íslandi. Vinningstillagan hefur verið send í Evrópuhluta keppninnar og verða úrslit hennar kynnar í Brussel 17. desember.

Í gær, föstudaginn 10. desember, komu til landsins sex kólumbískir flóttamenn í boði íslenskra stjórnvalda. Þetta eru tvær fjölskyldur, kona á fimmtugsaldri og ungur sonur hennar, og önnur um þrítugt með þrjú börn, þar af son nokkurra mánaða.

Starfsendurhæfing hefur marktæk, jákvæð áhrif á virkni fólks og dregur úr félagslegri einangrun. Þetta er meðal niðurstaðna úr umfangsmikilli rannsókn sem verður kynnt á hádegisverðarfundi á Hótel KEA mánudaginn 13. desember kl. 12.00.

Laugardaginn 4. desember verður opnuð ljósmyndasýning sem fjallar um fátækt og félagslega einangrun í húsakynnum Samhjálpar í Borgartúni 1 í Reykjavík. Guðbjartur Hannesson, félags- og tryggingamálaráðherra, opnar sýninguna kl. 18:00.  

Laugardaginn 4. desember verður opnuð ljósmyndasýning sem fjallar um fátækt og félagslega einangrun í húsakynnum Samhjálpar í Borgartúni 1 í Reykjavík. Guðbjartur Hannesson, félags- og tryggingamálaráðherra, opnar sýninguna kl. 18:00.  

Víxlverkanir milli bóta örorkulífeyrisþega úr almannatryggingakerfinu og tekna þeirra úr lífeyrissjóðum verða aftengdar tímabundið í þrjú ár. Einnig verður frítekjumark ellilífeyrisþega vegna lífeyrissjóðstekna hækkað í áföngum á þremur árum. 

Alþjóðlegur dagur fatlaðra er er á morgun. Hann hefur verið haldinn 3. desember ár hvert frá því að Sameinuðu þjóðirnar stóðu fyrir alþjóðlegu ári fatlaðs fólks árið 1981. Markmið dagsins er að auka skilning á aðstæðum fólks með fötlun og baráttu fyrir réttindum þeirra og jafnri stöðu í samfélaginu.

Samkomulag um faglegt og fjárhagslegt fyrirkomulag á tilfærslu málefna fatlaðra til sveitarfélaganna var undirritað í dag. Frumvarp til laga um tilfærsluna á grundvelli samkomulagsins verður lagt fyrir Alþingi á næstu dögum.

Aðkoma félags- og tryggingamálaráðuneytisins að gerð samkomulags við lokun Árbótar var óhjákvæmileg og réttmæt. Sameiginlegur vilji var til þess milli Barnaverndarstofu, ráðuneytisins og rekstraraðila að semja um samningslok með greiðslum umfram það sem kveðið var á um í uppsagnarákvæði þjónustusamnings.

Innflytjendaráð auglýsir eftir umsóknum um styrki úr þróunarsjóði innflytjendamála. Tilgangur sjóðsins er að efla rannsóknir og þróunarverkefni á sviði innflytjendamála með það að markmiði að auðvelda gagnkvæma aðlögun innflytjenda og íslensks samfélags.

Guðbjartur Hannesson, félags- og tryggingamálaráðherra og heilbrigðisráðherra, hefur ákveðið að skipa Önnu Lilju Gunnarsdóttur í embætti ráðuneytisstjóra nýs velferðarráðuneytis sem verður til við sameiningu félags- og tryggingamálaráðuneytis og heilbrigðisráðuneytis 1. janúar 2011.

Umsóknarfrestur sveitarfélaga um styrki til verkefna sem ætlað er að efla stuðnings- og nærþjónustu við langveik börn og börn með athyglisbrest rennur út 25. nóvember. Sveitarfélög geta sótt um styrki vegna verkefna á eigin vegum eða sem unnin eru í samstarfi við einstaklinga eða félagasamtök.

Skýrt er kveðið á um stöðu sjálfseignarstofnana sem þjónusta fólk með fötlun í áætlun um flutning málefna fatlaðra til sveitarfélaga. Rekstur Sólheima er tryggður, líkt og annarra sjálfseignarstofnana, þótt forsvarsmenn Sólheima hafi hafnað boði ráðuneytisins um endurnýjun þjónustusamnings.

Guðbjartur Hannesson, félags- og tryggingamálaráðherra, vill efla hlutverk Vinnumálastofnunar á sviði starfsendurhæfingar, enda aukist mikilvægi þessa vinnumarkaðsúrræðis við núverandi aðstæður í samfélaginu. Þetta kom meðal annars fram í ávarpi ráðherra á ársfundi stofnunarinnar í dag.

Guðbjartur Hannesson, félags- og tryggingamálaráðherra, tók þátt í fjölmennum samráðsfundi hjálparsamtaka og opinberra aðila sem fram fór á Grand hótel í Reykjavík í dag. Rætt var um fyrirkomulag hjálparstarfs við þá sem standa höllum fæti og hvernig best verði að því staðið.

Látum kraft kvennahreyfinganna verða okkur hvatningu til uppbyggingar og sóknar. Jöfn áhrif og jöfn staða kynjanna er forsenda fyrir því framtíðarþjóðfélagi sem við ætlum okkur að skapa, segir Guðbjartur Hannesson, félags- og tryggingamálaráðherra í grein sem birtist í Fréttablaðinu í tilefni kvennafrídagsins 24. október.

Auglýst er eftir umsóknum frá sveitarfélögum um styrki til verkefna sem ætlað er að efla stuðnings- og nærþjónustu við langveik börn og börn með ofvirkni og athyglisbrest.

Hingað og ekki lengra, hættum að kenna hvert öðru um heldur sameinumst í því að endurreisa samfélagið á traustum grunni, sagði Guðbjartur Hannesson, félags- og tryggingamálaráðherra, á ársfundi Alþýðusambands Íslands sem hófst í dag.

 Aðgerðanefnd fimm ráðherra undir forystu forsætisráðherra hefur á síðustu vikum unnið að frekari lausnum á skuldavanda heimilanna og aukinni skilvirkni gildandi úrræða. Mikilvægar úrbætur hafa verið kynntar eða verða kynntar á næstunni. Ráðherra skrifar um þessi mál í blaðagrein í dag.

Norrænir jafnréttisráðherrar leggja áherslu á baráttu gegn kynbundnu ofbeldi og ofbeldi gegn börnum. Þetta er leiðarstef í samstarfsáætlun norrænu þjóðanna og var til umræðu á fundi ráðherranna sem haldinn var í Kaupmannahöfn í gær.

Ríkisstjórnin hefur samþykkt að leggja fyrir Alþingi frumvarp um breytingar á lögum um húsnæðismál. Meðal annars er lagt til að Íbúðalánasjóður fái heimild til að leigja út uppboðsíbúðir með ákvæði um kauprétt.

87 umsóknir bárust um embætti ráðuneytisstjóra nýs velferðarráðuneytis, sem verður til 1. janúar 2011 með sameiningu heilbrigðisráðuneytisins og félags- og tryggingamálaráðuneytisins.

Sá sem sækir um greiðsluaðlögun fær tímabundinn greiðslufrest strax og umsókn hefur borist Umboðsmanni skuldara. Frumvarp til laga um þessa breytingu á lögum um greiðsluaðlögun var samþykkt á Alþingi í dag.

Félags- og tryggingamálaráðherra mælti í dag fyrir frumvarpi til breytinga á barnaverndarlögum. Markmið breytinganna er að bæta réttarstöðu barna og efla barnaverndarstarf í landinu.

Félags- og tryggingamálaráðherra úthlutaði í dag 55 milljónum króna úr starfsmenntasjóði ráðuneytisins. Styrkir voru veittir til 39 þróunar- og nýsköpunarverkefna af ýmsu tagi. Þetta er í síðasta sinn sem úthlutað er úr sjóðnum.

Sá sem sækir um greiðsluaðlögun fær tímabundinn greiðslufrest strax og umsókn hefur borist umboðsmanni skuldara, samkvæmt frumvarpi sem ríkisstjórnin hefur samþykkt að leggja fyrir Alþingi. Fjárnám, kyrrsetning eigna og nauðungarsala verður óheimil meðan á greiðslufresti stendur.

Guðbjartur Hannesson, félags- og tryggingamálaráðherra, afhenti frumkvöðlaverðlaun Geðhjálpar sem veitt voru á afmælishátíð félagsins 9. október. Verðlaunin hlutu Anna Valgarðsdóttir og Páll Matthíasson.

Þriggja manna hæfnisnefnd mun fara yfir umsóknir um embætti ráðuneytisstjóra nýs velferðarráðuneytis. Embættið var auglýst 28. september og rennur umsóknarfrestur út 13. október.

Áætluð heildarútgjöld félags- og tryggingamálaráðuneytisins árið 2011 nema tæpum 121,5 milljörðum króna samkvæmt fjárlagafrumvarpi ársins 2011. Lækkunin nemur 5,7% frá fyrra ári sem svarar tæpum 7,4 milljörðum króna.

Styrkja þarf úrræði í húsnæðismálum til að tryggja öllum öruggt heimili, efla leigumarkað, félagslega húsnæðiskerfið, kaupleigu- og búseturétt. Gripið verður til þeirra ráða sem duga vegna skuldavanda heimilanna sagði félags- og tryggingamála í umræðum á Alþingi í gær.

Auglýst er laust til umsóknar embætti ráðuneytisstjóra nýs velferðarráðuneytis. Velferðarráðuneytið verður til við sameiningu heilbrigðisráðuneytisins og félags- og tryggingamálaráðuneytisins 1. janúar 2011.

Lagðar eru fram tillögur um aðgerðir til að bæta skráningu upplýsinga um ofbeldi karla gegn konum í nánum samböndum, auka þekkingu fagfólks á vandanum og tryggja úrræði við hæfi í tveimur nýjum rannsóknum sem kynntar voru í dag.

Ávarp Guðbjarts Hannessonar, félags- og tryggingamálaráðherra á ráðstefnunni Málefni fatlaðs fólks á tímamótum - horft til framtíðar sem fram fór Grand hótel Reykjavík í dag.

Réttindi starfsfólks svæðisskrifstofa um málefni fatlaðra verða að fullu tryggð komi til breytinga á stéttarfélagsaðild við flutning málefna fatlaðra til sveitarfélaganna.

Horft er til framtíðar og sjónum beint að stjórnsýslu, hugmyndafræði og þjónustu við fatlað fólk með áherslu á úrbætur á málþingi sem fram fer á Grand hótel Reykjavík 22. september.

Stýrihópur Evrópuársins 2010 gegn fátækt og félagslegri einangrun boðar til morgunverðarfundar föstudaginn 24. september á Grand hótel í Reykjavík. Fjallað verður um félagslega einangrun á Íslandi í dag. Fundurinn er annar í fundaröð þar sem fjallað verður um fátækt, félagslega einangrun og leiðir til úrbóta.

Nýsköpunarmiðstöð Íslands sér um átaksverkefni sem nú er hafið og felst í upplýsingagjöf um leiðir til að fjármagna verkefni á sviði norræns samstarfs. Efnt var til átaksverkefnisins að frumkvæði Norrænu ráðherranefndarinnar sem fjármagnar það einnig.

Háskóli Íslands og Greiningar- og ráðgjafarstöð ríkisins hafa gert með sér samstarfssamning um kennslu, rannsóknir og þjálfun í félags- og heilbrigðisvísindum.

Alþingi samþykkti í gær frumvarp til laga um sameiningu ráðuneyta. Heilbrigðisráðuneytið og félags- og tryggingamálaráðuneytið verða sameinuð í eitt velferðarráðuneyti og tekur það til starfa 1. janúar 2011.

Greinargerð félags- og tryggingamálaráðuneytisins um málefni fatlaðra í kjölfar skýrslu Ríkisendurskoðunar.

Anna Sigrún Baldursdóttir hefur verið ráðin aðstoðarmaður Guðbjarts Hannessonar heilbrigðis-, félags- og tryggingamálaráðherra.

Félags- og tryggingamálaráðuneytið hefur veitt 800.000 króna styrk til meðferðarúrræðisins Karlar til ábyrgðar svo unnt sé að halda rekstri þess óskertum til ársloka.

Guðbjartur Hannesson tók í dag við lyklum að félags- og tryggingamálaráðuneytinu úr hendi Árna Páls Árnasonar. Guðbjartur er einnig ráðherra heilbrigðismála og mun stýra sameiningu ráðuneytanna tveggja sem tekur gildi um næstu áramót.

Fyrsta skóflustungan var tekin að nýju hjúkrunarheimili í Borgarbyggð í gær. Framkvæmdir eru að hefjast og áformað að heimilið verði tekið í notkun sumarið 2012.

Félags- og tryggingamálaráðherra hefur skipað kærunefnd greiðsluaðlögunarmála í samræmi við lög um greiðsluaðlögun einstaklinga og lög um tímabundið úrræði einstaklinga sem eiga tvær fasteignir til heimilisnota.

Árni Páll Árnason, félags- og tryggingamálaráðherra, opnaði í gær norræna upplýsingasíðu um notendastýrða persónulega aðstoð fyrir fólk með fötlun. Allar Norðurlandaþjóðirnar stóðu saman að verkefninu undir stjórn Íslendinga.

Félags- og tryggingamálaráðherra hefur lýst sig viljugan til að leggja fram frumvarp um að tíminn sem fólk á rétt til atvinnuleysisbóta verði lengdur tímabundið úr þremur árum í fimm. Þetta kom fram á samráðsfundi hans með aðilum vinnumarkaðarins sem haldinn var í júní síðastliðnum.

Félags- og tryggingamálaráðuneytið, Vinnumálastofnun, Samtök iðnaðarins, háskólar og tækni- og hugverkafyrirtæki standa saman að átaki sem tryggir um 150 einstaklingum á atvinnuleysisskrá tækifæri til náms í vetur í tækni- og raungreinum.

Ungmennum yfir 18 ára aldri sem nú eru á atvinnuleysisskrá verður tryggð námsvist í framhaldsskólum. Ríkisstjórnin samþykkti á fundi í morgun tillögu um samstarf menntamálaráðuneytisins og félagsmálaráðuneytisins í þessu skyni.

Starfsfólki umboðsmanns skuldara verður fjölgað á næstu vikum og ráðist í kynningu á embættinu og hlutverki þess. Tekið verður í notkun rafrænt upplýsingakerfi sem mun flýta verulega fyrir allri gagnaöflun og vinnslu mála hjá embættinu.

Drög að framkvæmdaáætlun í jafnréttismálum til ársins 2014 eru til umsagnar á vef ráðuneytisins. Frestur fólks til að senda ráðuneytinu ábendingar sínar og athugasemdir rennur út 15. ágúst.

Upplýsingarit fyrir eldri borgara um almannatrygginga, „Áfram veginn 2010“ er komið út. Þar er svarað helstu spurningum um lífeyristryggingar og sjúkratryggingar sem upp koma við upphaf töku ellilífeyris og þegar sækja þarf heilbrigðisþjónustu.

Listi sem birtur er á vefnum Island.is þar sem settar eru fram  spurningar ásamt svörum um úrræði fyrir einstaklinga í greiðsluvanda hefur verið uppfærður. Þar er fjallað um ný úrræði sem nú standa fólki til boða í samræmi við ný lög og lagabreytingar sem tóku gildi 1. ágúst.

Faglegt mat og málefnalag sjónarmið réðu úrslitum þegar afstaða var tekin til hæfni umsækjenda um embætti umboðsmanns skuldara. Ráðuneytið birtir hér öll gögn sem byggt var á við úrvinnslu málsins.

Félags- og tryggingamálaráðherra hefur skipað Ástu Sigrúnu Helgadóttur, lögfræðing, umboðsmann skuldara. Ásta var metin mjög vel hæf til starfsins í hæfnismati sem unnið var í kjölfar nýafstaðins umsóknarferlis.

Félags- og tryggingamálaráðuneytið hefur kynnt Ástu S. Helgadóttur skriflegan rökstuðning fyrir ákvörðun ráðherra um skipan í embætti umboðsmanns skuldara. Ákvörðun ráðherra var í samræmi við sjálfstætt hæfnismat ráðningarskrifstofu sem mat Runólf Ágústsson hæfari.

Félags- og tryggingamálaráðherra hefur sett Inga Val Jóhannsson tímabundið til að gegna stöðu umboðsmanns skuldara í kjölfar þess að Runólfur Ágústsson sagði sig frá embættinu.

Félags- og tryggingamálaráðuneytið og Vinnumálastofnun kynntu í dag nýtt átak gegn langtímaatvinnuleysi og afleiðingum þess. Markmiðið er að virkja þá sem verið hafa lengi atvinnulausir til þátttöku í fjölbreyttum vinnumarkaðsúrræðum.

Félags- og tryggingamálaráðherra hefur skipað Runólf Ágústsson, lögfræðing, í nýtt embætti umboðsmanns skuldara sem tekur til starfa 1. ágúst næstkomandi.

Alþingi samþykkti í júní frumvarp til laga um nýtt embætti umboðsmanns skuldara. Umboðsmaður skuldara er ríkisstofnun sem hefur það hlutverk að gæta hagsmuna og réttinda skuldara eins og nánar er kveðið á um í lögunum.

Félags- og tryggingamálaráðherra hefur skipað nefnd um gerð nýrrar aðgerðaáætlunar stjórnvalda gegn kynbundnu ofbeldi fyrir árin 2011-2015.

Félags- og tryggingamálaráðherra hefur skipað í kærunefnd húsamála og úrskurðarnefnd félagsþjónustu og húsnæðismála. Nefndirnar urðu til þegar fimm úrskurðar- og kærunefndir voru sameinaðar í tvær.

Úrslit hönnunarsamkeppni um nýtt hjúkrunarheimili í Fjarðabyggð voru kynnt á Eskifirði í dag. Þetta er fyrsta heimilið sem er hannað frá grunni samkvæmt nýjum viðmiðum um skipulag hjúkrunarheimila og markar því tímamót. Einrúm arkitektar hlutu fyrstu verðlaun en alls bárust 36 tillögur.

Ríki og sveitarfélög hafa samið um fjárhagslegar forsendur fyrir flutningi málefna fatlaðra til sveitarfélaganna. Þetta er viðamesta endurskipulagning á verkaskiptingu ríkis og sveitarfélaga frá flutningi grunnskólanna árið 1996. Tekjustofnar sem nema 10,7 milljörðum króna flytjast til sveitarfélaganna á næsta ári samhliða yfirfærslu málaflokksins.

Félags- og tryggingamálaráðherra hefur undirbúið tillögu til þingsályktunar um framkvæmdaáætlun í jafnréttismálum til ársins 2014. Tillagan er nú birt til umsagnar á vef ráðuneytisins.

Embætti umboðsmanns skuldara hefur verið auglýst til umsóknar. Alþingi samþykkti lög um embættið í liðinni viku og hefst starfsemi þess 1. ágúst. Alþingi hefur einnig samþykkt frumvörp um greiðsluaðlögun og tímabundið úrræði einstaklinga sem eiga tvær fasteignir til heimilisnota.

 Félags- og tryggingamálaráðherra og forstjóri Grundar undirrituðu í dag samning um rekstur á nýju og glæsilegu 110 rýma hjúkrunarheimili við Suðurlandsbraut 66 í Reykjavík. sem hlotið hefur nafnið Mörk –  hjúkrunarheimili.

Félags- og tryggingamálaráðherra hefur ákveðið að hætt verði að telja uppbót á lífeyri vegna lyfjakostnaðar til tekna við útreikninga á rétti fólks til lágmarksframfærslutryggingar. Uppbótargreiðslur sem fólk fær til að standa straum af lyfjakostnaði munu því ekki skerða lágmarksframfærslutryggingu.

Hætt verður að skerða atvinnuleysisbætur og húsaleigubætur vegna tekna úr séreignarlífeyrissjóðum samkvæmt lagabreytingum sem Alþingi hefur samþykkt. Þá hefur gildistími lagaákvæðis um greiðslu atvinnuleysisbóta á móti hlutastarfi verið framlengdur til 31. desember 2010.

Alþingi hefur samþykkt frumvarp félags- og tryggingamálaráðherra um sameiningu fimm úrskurðar- og kærunefnda í tvær. Áætlað er að með þessu spari ríkið um tvær til fjórar milljónir króna á ári vegna minni kostnaðar við nefndarstörfin.

Í tilefni Evrópuárs gegn fátækt og félagslegri einangrun hefur stýrihópur Evrópuársins í samstarfi við Vesturport ákveðið að sýna myndina Börn eftir Ragnar Bragason í Iðnó þann 10. júní.

Stýrihópur Evrópuársins 2010 gegn fátækt og félagslegri einangrun boðar til morgunverðarfundar föstudaginn 4. júní næstkomandi. Fundurinn er sá fyrsti í fundaröð þar sem fjallað verður um fátækt, félagslega einangrun og leiðir til úrbóta.

Félags- og tryggingamálaráðherra hefur ákveðið úthlutun úr Framkvæmdasjóði aldraðra árið 2010. Alls verða veittar tæpar 800 milljónir króna úr sjóðnum, tæpar 300 milljónir til endurbóta og rúmar 400 milljónir til að ljúka byggingu þriggja nýrra hjúkrunarheimila.

Nýtt hjúkrunarheimili verður byggt í Borgarnesi og endurbætur gerðar á núverandi húsnæði samkvæmt samningi félags- og tryggingamálaráðuneytisins og Borgarbyggðar sem undirritaður var í gær. Framkvæmdir hefjast á næstu vikum.

Skuldastaða heimilanna, aðgerðir ríkisstjórnarinnar til að létta greiðslubyrði og fyrirhugaðar leiðréttingar á höfuðstóli erlendra bílalána eru á meðal þess sem Árni Páll Árnason, félagsmálaráðherra kynnir íbúum höfuðborgarsvæðisins á borgarafundi á Hilton Reykjavík Nordica, Suðurlandsbraut 2, fimmtudaginn 20. maí klukkan 20:30-22:00.

Árni Páll Árnason, félags– og tryggingamálaráðherra, og Hermann Jón Tómasson, bæjarstjóri á Akureyri, undirrituðu síðastliðinn þriðjudag tvo nýja samninga ríkisvaldsins og Akureyrarkaupstaðar.

Síðastliðinn sunnudag var haldinn fundur þar sem fólk úr ýmsum hópum samfélagsins komu saman til þess að ræða um fátækt og félagslega einangrun og hvaða leiðir séu færar til að vinna gegn slíkri stöðu.

Félags- og tryggingamálaráðherra hefur mælt fyrir frumvarpi á Alþingi um breytingar á barnaverndarlögum sem ætlað er að bæta réttarstöðu barna og efla barnaverndarstarf.

Viðhald á veðurstöðvum, grisjun þjóðskóga með keðjusög, útvarpsþáttagerð og ástandsskoðun á borholum eru á meðal 856 nýrra starfa sem verða auglýst nú um helgina. Ráðið verður í flest störfin fyrir næstu mánaðamót.

Hjúkrunarheimili fyrir 30 aldraða verður byggt á Nesvöllum í Reykjanesbæ samkvæmt samningi sem félags- og tryggingamálaráðherra og bæjarstjóri Reykjanesbæjar undirrituðu í gær. Áætlað er að heimilið verði tekið í notkun sumarið 2012.

 Íbúðalánasjóði verður heimilt að bjóða íbúðarhúsnæði sem sjóðurinn hefur keypt á uppoði til leigu með kauprétti samkvæmt frumvarpi sem lagt verður fyrir Alþingi á næstu dögum. Starfsemi hússnæðissamvinnufélaga verður efld og stuðlað að framkvæmdum til að bæta aðgengi fatlaðra.

Félags- og tryggingamálaráðherra heldur 10 borgarafundi víðs vegar um landið á næstunni þar sem hann fjallar um skuldastöðu heimilanna, kynnir úrræði og svarar fyrirspurnum. Á fundunum verða starfsmenn Ráðgjafarstofu um fjármál heimilanna til viðtals.

Nýtt 60 rýma hjúkrunarheimili verður byggt á Völlum í Hafnarfirði sem áætlað er að verði tilbúið haustið 2012. Félags- og tryggingamálaráðherra og bæjarstjórinn í Hafnarfirði undirrituðu samning um verkefnið í dag.

Frumvarp félags- og tryggingamálaráðherra um greiðsluaðlögun bílalána verður lagt fyrir Alþingi á næstu dögum. Þetta var samþykkt á fundi ríkisstjórnar í morgun.

Atvinnumiðstöð Kópavogs, þróunarverkefni á sviði staðbundinna vinnumarkaðsúrræða fyrir ungt fólk, verður opnuð í Kópavogi í byrjun næsta mánaðar. Samningur um þetta var undirritaður í gær.  

Ársuppgjör Íbúðalánasjóðs sýnir að eiginfjárhlutfall sjóðsins er nú um 3% en markmið laga um sjóðinn er að það sé 5% eða hærra. Verið er að skoða leiðir til þess að bæta stöðu sjóðsins og kemur til greina að eigið fé hans verði aukið.

Atvinnuþátttaka fólks með örorku eða langvarandi sjúkdóma er hvergi meiri en á Íslandi, borið saman við ríki OECD. Þetta kemur fram í nýlegri könnun Þjóðmálastofnunar sem gerð var fyrir Landssamtök lífeyrissjóða og örorkumatsnefnd forsætisráðuneytisins.

Verkefnisstjórn hefur ákveðið úthlutun styrkja til verkefna sem ætlað er að efla þjónustu í heimabyggð við langveik börn og börn með athyglisbrest og ofvirkni. Úthlutað verður 80 milljónum króna til fjölbreyttra verkefna um allt land.

Félags- og tryggingamálaráðherra úthlutaði í dag rúmum 30 milljónum króna í styrki til atvinnumála kvenna. Sótt var um styrki til rúmlega 300 verkefna og hafa umsóknir aldrei verið fleiri.

Félags- og tryggingamálaráðherra hefur úthlutað styrkjum úr þróunarsjóði innflytjendamála fyrir árið 2009. Alls bárust 40 umsóknir til sjóðsins og voru veittir styrkir til 16 verkefna, samtals um 9.445.000 króna.

Stefnt er að því að Vinnueftirlit ríkisins og Vinnumálastofnun sameinist um næstu áramót í nýrri og öflugri vinnumarkaðsstofnun. Félags- og tryggingamálaráðherra kynnti áformaða sameiningu á fundi með starfsfólki stofnananna tveggja í morgun.

Félags- og tryggingamálaráðherra hefur sett nýja reglugerð um úthlutun hjálpartækja sem ætlað er að auka og viðhalda færni þeirra sem eru blindir, sjónskertir eða daufblindir, efla sjálfstæði þeirra og auka lífsgæði.

Hjúkrunarheimilið við Boðaþing í Kópavogi var vígt í dag. Framkvæmdum er að ljúka og fyrstu íbúarnir flytja inn á næstunni.

Félags- og tryggingamálaráðuneytið efnir til fundar um Evrópuár gegn fátækt og félagslegri einangrun 25. mars næstkomandi í Iðnó.

Stofnað verður embætti umboðsmanns skuldara til að gæta hagsmuna heimila í greiðsluvanda og sett ein lög um greiðsluaðlögun sem einfalda framkvæmdina og gerir úrræðið aðgengilegra.

Vinnumálastofnun hefur samið við Íþróttasamband Íslands um að stýra sjálfboðaliðastarfi fyrir um 150 unga atvinnuleitendur.

Af 16 stofnunum sem heyra undir félags- og tryggingamálaráðuneytið er níu þeirra stjórnað af körlum en sjö af konum, eða 44%. Forstöðumenn ríkisstofnana voru í febrúar 193 talsins, þar af voru konur 59 eða 31%.

Á vegum félags- og tryggingamálaráðuneytisins er nú unnið að fjölþættum aðgerðum vegna skuldavanda heimilanna. Markmið stjórnvalda er sem fyrr að ná samhengi milli skuldastöðu heimilanna og greiðslugetu þeirra.

Boðað er til opinnar samkeppni um hönnun á nýju hjúkrunarheimili sem byggt verður á Eskifirði í Fjarðabyggð. Þetta er fyrsta heimili aldraðra sem verður hannað frá grunni samkvæmt viðmiðum ráðuneytisins um skipulag hjúkrunarheimila.

Félags- og tryggingamálaráðherra kynnti á fundi ríkisstjórnarinnar í dag tillögur nefndar sem fjallað hefur um fyrirhugaða fullgildingu Íslands á samningi Sameinuðu þjóðanna um réttindi fólks með fötlun.

Félags- og tryggingamálaráðuneytið auglýsir eftir umsóknum um styrki vegna Evrópuárs 2010 sem er tileinkað baráttunni gegn fátækt og félagslegri einangrun. Til ráðstöfunar eru 35 milljónir króna.

Grein eftir Árna Pál Árnason, félags- og tryggingamálaráðherra í tilefni af alþjóðlegum baráttudegi kvenna sem er í dag, 8. mars.

Ríkisstjórnin samþykkti á fundi sínum í morgun tillögu félags- og tryggingamálaráðherra um að ráðast í gerð nýrrar aðgerðaáætlunar stjórnvalda gegn kynbundnu ofbeldi fyrir tímabilið 2011-2015. Sérstaklega verður fjallað um meðferð kynbundinna ofbeldismála í dómskerfinu.

„Aldrei hefur verið mikilvægara en nú að vinna ötullega að jafnrétti karla og kvenna. Jafnrétti kynja er grundvöllur þess að efla lýðræði og skapa sjálfbæran heim, líkt og okkur ber skylda til gagnvart börnunum okkar og komandi kynslóðum.“ Þetta sagði Árni Páll Árnason, félags- og tryggingamálaráðherra, á fundi Kvennanefndar Sameinuðu þjóðanna sem nú fer fram í New York.

Opnuð verður Atvinnumiðstöð Hafnarfjarðar þar sem Vinnumálastofnun og bæjarfélagið munu annast svæðisbundna vinnumiðlun, ráðgjöf og aðra þjónustu við unga atvinnuleitendur í samráði við við Fulltrúaráð verkalýðsfélaganna í Hafnarfirði. Þetta er þróunarverkefni og er stefnt að opnun svæðisbundinna atvinnumiðstöðva í fleiri sveitarfélögum.

Félags- og tryggingamálaráðherra hefur lagt fram frumvarp til laga um vinnustaðaskírteini og eftirlit á vinnustöðum. Markmiðið er að stuðla að því að atvinnurekendur og starfsmenn þeirra fari að gildandi lögum, reglugerðum og kjarasamningum.

Rekstur á nýju 110 rýma hjúkrunarheimili við Suðurlandsbraut hefst 1. ágúst og munu Ríkiskaup, fyrir hönd félags- og tryggingamálaráðuneytisins, auglýsa eftir rekstraraðilum nú um helgina.

Sjálfstætt starfandi einstaklingur sem stöðvar rekstur sinn kann að eiga rétt á atvinnuleysisbótum. Atvinnuleysistryggingasjóður gerir ekki kröfu um að viðkomandi hafi lokað virðisaukaskattsnúmeri sínu heldur nægir að hann tilkynni til launagreiðendaskrá ríkisskattstjóra að reksturinn hafi verið stöðvaður. 

Tæplega 5.780 manns fluttust til Íslands frá öðrum löndum árið 2009. Brottfluttir voru þó mun fleiri en aðfluttir og nam fólksfækkunin 4.835 manns. Meira en helmingur þeirra sem fluttu frá landinu var erlendir ríkisborgarar samkvæmt upplýsingum Hagstofunnar.

Félags- og tryggingamálaráðherra heimsótti þjónustuskrifstofu Vinnumálastofnunar við Engjateig í morgun, ræddi við starfsfólk og atvinnuleitendur og kynnti sér námskeið og úrræði fyrir fólk í atvinnuleit. Hann heimsótti einnig miðstöð átaksins Ungt fólk til athafna, en þangað koma daglega um 80 ungmenni og fá leiðsögn og ráðgjöf.

Félags- og tryggingamálaráðherra hefur falið flóttamannanefnd að fjalla um möguleika þess að taka á móti fólki frá Haítí á grundvelli ákvæða í lögum um útlendinga sem fjalla um fjölskyldusameiningu og heimildar til að veita dvalarleyfi á grundvelli mannúðarsjónarmiða.

Vinnumálastofnun hefur samið við samtök símenntunarmiðstöðva um fjölbreytt menntunarúrræði fyrir allt að 700 ungmenni. Áætlað er að um 300 milljónum króna verði varið til verkefnisins.

Vinnumálastofnun og Rauði kross Íslands hafa gert með sér samning sem tryggir allt að 180 sjálfboðastörf fyrir unga atvinnuleitendur á þessu ári. Þetta er tæpur helmingur þeirra sjálfboðaliðastarfa sem stofna á til samkvæmt átaki félags- og tryggingamálaráðuneytis og Vinnumálastofnunar: Ungt fólk til athafna.

Félags- og tryggingamálaráðherra hefur skipað Mörð Árnason formann flóttamannanefndar. Hann tekur við af Guðrúnu Ögmundsdóttur sem sagði af sér formennsku í október síðastliðnum, en varamaður hefur gegnt formennsku frá þeim tíma.

Evrópusambandið hefur helgað árið 2010 baráttu gegn fátækt og félagslegri einangrun. Stöðvum fátæktina strax er kjörorð átaksins sem Barroso, forseti Evrópuráðsins, ýtti formlega úr vör í gær. Félags- og tryggingamálaráðuneytið stýrir verkefninu hér á landi.

Unnið er að þróun nýrra námstækifæra á framhaldsskólastigi fyrir ungt fólk án atvinnu samkvæmt samkomulagi sem ráðuneyti félagsmála og menntamála hafa gert með sér. Þess er vænst að um 200 ungmenni geti nýtt sér slík námstilboð á vorönn.

Auglýst er eftir styrkjum til atvinnumála kvenna sem félags- og tryggingamálaráðherra veitir ár hvert. Að þessu sinni eru 30 milljónir til úthlutunar.

Námskeið og próf til réttinda leigumiðlunar verður haldið í samstarfi Endurmenntunar Háskóla Íslands og félags- og tryggingamálaráðuneytisins í febrúar. Skráningarfrestur er til 26. janúar.

Reynslan hefur sýnt að til þess að ná árangri í jafnréttismálum þarf beinar aðgerðir og sterkan hugmyndafræðilegan aga, sagði Árni Páll Árnason, félags- og tryggingamálaráðherra þegar hann ávarpaði málþing Háskóla Íslands um jafnréttismál í dag.

Velferðarvaktin hefur skilgreint hvað felst í grunnþjónustu ríkis og sveitarfélaga og sett fram ábendingar um hvaða leiðir skuli fara til að verja grunnþjónustuna þegar teknar eru ákvarðanir um hagræðingu og niðurskurð. Málið var kynnt á fundi ríkisstjórnarinnar í gær.

Kynning á tækifærum og styrkjum í Evrópusamstarfi verður haldin á Háskólatorgi fimmtudaginn 14. janúar 2010 kl. 15–18. Þar gefst færi á að hitta fulltrúa evrópskra samstarfsáætlana á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs.

Félags- og tryggingamálaráðuneytinu hefur borist ábending um að nafn ráðuneytisins hafi verið skráð á undirskriftalista InDefence hópsins: Áskorun til forseta Íslands - Þjóðaratkvæðagreiðslu um ný Icesave lög.

Félags- og tryggingamálaráðherra hefur gefið út viðmiðunarfjárhæð um eignamörk til útreiknings á húsaleigubótum fyrir árið 2010. Hækkunin nemur 7,51% í samræmi við breytingu á vísitölu neysluverðs á liðnu ári.

Félags- og tryggingamálaráðherra hefur gefið út viðmiðunarfjárhæðir um tekju- og eignamörk vegna félagslegra leiguíbúða fyrir árið 2010. Fjárhæðirnar hækka um 7,51% í samræmi við breytingu á vísitölu neysluverðs á liðnu ári.