Almennar upplýsingar um húsaleigubætur
Lög um húsaleigubætur nr. 138/1997 tóku gildi 1. janúar 1998. Markmið laganna er að lækka húsnæðiskostnað tekjulágra leigjenda og að draga úr aðstöðumun á húsnæðismarkaðnum. Umsókn um húsaleigubætur skal skila til þess sveitarfélags þar sem umsækjandi á lögheimili. Á vef ráðuneytisins er staðlað umsóknareyðublað fyrir húsaleigubætur en í sumum tilfellum, t.d. í Reykjavík hafa sveitarfélögin látið útbúa sérstök umsóknareyðublöð.
Upplýsingar um húsaleigubætur
Þurfi fólk á upplýsingum að halda um rétt sinn til húsaleigubóta eða annað sem tengist greiðslu húsaleigubóta er því bent á að hafa samband við sveitarfélagið þar sem viðkomandi er skráður með lögheimili sitt.
Húsaleigubætur
- Bæklingur um húsaleigubætur (bæklingurinn er í endurskoðun)
- Rent Benefit Booklet
- Reiknivél fyrir húsaleigubætur
- Leiðbeiningar vegna breytingarlaga nr. 52/2001 á lögum nr. 138/1997 um húsaleigubætur
Húsaleigusamningar
Samráðsnefnd um húsaleigubætur
Í tengslum við lögin er starfandi þriggja manna samráðsnefnd sem skal fylgjast með framkvæmd laga og reglugerða um húsaleigubætur. Hlutverk samráðsnefndar er að vera samráðsvettvangur ráðuneytisins og Sambands íslenskra sveitarfélaga um lög og reglugerðir um húsaleigubætur, og fylgjast með framkvæmd og þróun húsaleigubótakerfisins. Nefndin skal fjalla um tillögur um breytingar á lögum og reglugerðum um húsaleigubætur, meta kostnað slíkra breytinga og önnur áhrif. Einnig skal samráðsnefnd miðla upplýsingum til sveitarfélaga
Samráðsnefnd og Jöfnunarsjóður sveitarfélaga safna upplýsingum um húsaleigubætur árlega. Jöfnunarsjóður sveitarfélaga greiðir framlög til sveitarfélaga vegna greiðslu þeirra á húsaleigubótum samkvæmt lögum um húsaleigubætur nr. 138/1997, með síðari breytingum, og reglugerð um húsaleigubætur.
