Frá gildistöku laga um atvinnuleysistryggingar árið 2006 hafa orðið nokkrar breytingar á innlendum vinnumarkaði en meðal annars í ljósi þess hefur félags- og barnamálaráðherra ákveðið að skipa nefnd sem hefur það hlutverk að endurskoða lögin í heild sinni og vinna frumvarp í því sambandi. Gert er ráð fyrir að nefndin hagi störfum sínum þannig að ráðherra verði unnt að leggja fram frumvarp á Alþingi eigi síðar en á haustþingi 2022.
Ekki er greidd þóknun af hálfu ráðuneytisins fyrir setu í nefndinni.
Nefndin er þannig skipuð:
- Bjarnheiður Gautadóttir, án tilnefningar, formaður
- Halldór Oddsson, tilnefndur af Alþýðusambandi Íslands.
- Andri Valur Ívarsson, tilnefndur af Bandalagi háskólamanna.
- Hrannar Már Guðmundsson, tilnefndur af BSRB.
- Sonja María Hreiðarsdóttir, tilnefnd af fjármála- og efnahagsráðuneyti.
- Lóa Birna Birgisdóttir, tilnefnd af Sambandi íslenskra sveitarfélaga.
- Jón Rúnar Pálsson, tilnefndur af Samtökum atvinnulífsins.
- Sverrir B. Berndsen, tilnefndur af Vinnumálastofnun.
Starfsmenn nefndarinnar eru Jón Þór Þorvaldsson og Svanhvít Yrsa Árnadóttir, lögfræðingar á skrifstofu vinnumarkaðar og starfsendurhæfingar í félagsmálaráðuneytinu.
Skipuð af félags- og barnamálaráðherra 9. mars 2021