• Eygló Harðardóttir félags- og húsnæðismálaráðherra

Eygló Harðardóttir, félags- og húsnæðismálaráðherra

Eygló Harðardóttir er félags- og húsnæðismálaráðherra frá 23. maí 2013.

Æviágrip

Fædd í Reykjavík 12. desember 1972. Foreldrar: Hörður Þ. Rögnvaldsson (fæddur 7. apríl 1955) verktaki og Svanborg E. Óskarsdóttir (fædd 9. apríl 1956) framkvæmdastjóri og kennari. Maki: Sigurður E. Vilhelmsson (fæddur 29. maí 1971) framhaldsskólakennari. Foreldrar: Vilhelm G. Kristinsson og Ásgerður Ágústsdóttir. Dætur: Hrafnhildur Ósk (2000), Snæfríður Unnur (2006).

Stúdentspróf FB 1992. Fil.kand.-próf í listasögu frá Stokkhólmsháskóla 2000. Framhaldsnám í viðskiptafræði HÍ síðan 2007.

Framkvæmdastjóri Þorsks á þurru landi ehf. 2001-2009. Skrifstofustjóri Hlíðardals ehf. 2003-2004. Viðskiptastjóri Tok hjá Ax hugbúnaðarhúsi hf. 2004-2006. Framkvæmdastjóri Nínukots ehf. 2006-2008. Verkefnastjóri hjá Atvinnuþróunarfélagi Suðurlands 2008.

Í stjórn Þorsks á þurru landi ehf. 2001-2009. Í skólamálaráði Vestmannaeyja 2003-2004. Varamaður í félagsmálaráði Vestmannaeyja 2003-2005. Ritari í stjórn kjördæmissambands framsóknarfélaganna í Suðurkjördæmi 2003-2007. Í stjórn Nýsköpunarstofu Vestmannaeyja 2003-2006. Í stjórn Náttúrustofu Suðurlands 2003-2006. Í stjórn IceCods á Íslandi ehf. síðan 2003. Í miðstjórn Framsóknarflokksins síðan 2003. Í stjórn Visku, fræðslu- og símenntunarmiðstöðvar, 2004-2006 og 2008-2009. Gjaldkeri Framsóknarfélags Vestmannaeyja 2004-2010. Fulltrúi í foreldraráði Grunnskóla Vestmannaeyja 2007-2008. Ritari í stjórn Landssambands framsóknarkvenna 2007-2009. Ritari Framsóknarflokksins síðan 2009. Í samráðshóp um húsnæðisstefnu 2011. Formaður verðtryggingarnefndar, nefndar sem kanni forsendur verðtryggingar á Íslandi, síðan 2010.

  • Alþingismaður Suðurkjördæmis 2008-2013 (Framsóknarflokkur), alþingismaður Suðvesturkjördæmis síðan 2013.
  • Varaþingmaður Suðurkjördæmis febrúar-mars 2006 (Framsóknarflokkur).

Heilbrigðisnefnd 2008-2009, iðnaðarnefnd 2008-2009, umhverfisnefnd 2008-2009, menntamálanefnd 2009-2011, viðskiptanefnd 2009-2011, þingmannanefnd til að fjalla um skýrslu rannsóknarnefndar Alþingis 2009-2010, allsherjar- og menntamálanefnd 2011, velferðarnefnd 2011-2012, efnahags- og viðskiptanefnd 2012-2013.

Lausapenni hjá Vaktinni, Vestmannaeyjum. Hefur skrifað fasta pistla í Bændablaðið og greinar í ýmis blöð.

Til baka Senda grein