Opinn kynningarfundur um neysluviðmið
Opinn kynningarfundur um neysluviðmið verður haldinn í Háskólanum í Reykjavík laugardaginn 12. febrúar. Þar verður einnig kynnt vefreiknivél sem gerir fólki kleift að máta sig að neysluviðmiðunum í samræmi við eigin aðstæður og fá gestir tækifæri til að prófa hana.
Að fundinum standa velferðarráðuneytið, Rannsóknaþjónusta Háskólans í Reykjavík og Rannsóknastofnun í barna- og fjölskylduvernd við Háskóla Íslands.
Fundurinn hefst kl. 13.00 í salnum Antares í Háskólanum í Reykjavík við Nauthólsvík. Hann er öllum opinn og aðgangur ókeypis.
Vinna við gerð neysluviðmiðanna hófst í júní 2010. Félags- og tryggingamálaráðuneytið setti á fót stýrihóp um verkefnið, skipuðum fulltrúum frá ráðuneytinu, Umboðsmanni skuldara, Sambandi íslenskra sveitarfélaga og Velferðarsviði Reykjavíkurborgar. Rannsóknaþjónustu Háskólans í Reykjavík í samstarfi við Rannsóknastofnun í barna- og fjölskylduvernd við Háskóla Íslands var falið að vinna þá rannsókn sem skýrslan byggist á og var sú vinna í höndum sérfræðinganna Jóns Þórs Sturlusonar, Háskólanum í Reykjavík, Guðnýjar Bjarkar Eydal, Háskóla Íslands, og Andrésar Júlíusar Ólafssonar verkefnisstjóra.
Nánari upplýsingar