Fréttir
  • Ísland
    Ísland

Upplýsingar um þjónustu sveitarfélaga við fatlað fólk

6/10/2016

Sveitarfélögin veittu rúmlega 4.700 fötluðum eintaklingum þjónustu árið 2015 sem er um 100 færri en árið áður. Hagstofa Íslands hefur tekið saman ýmsar tölulegar upplýsingar um þjónustu við fatlað fólk sem eru aðgengilegar á vef stofnunarinnar.

Í umfjöllun á vef Hagstofunnar kemur fram að börn 17 ára og yngri eru 35,4% hópsins. Drengir og karlar eru hlutfallslega mun fleiri en stúlkur og konur af heildarhópnum, eða tæp 62% og í yngsta aldurshópnum drengir tæp 68%.

Í desember árið 2015 bjuggu tæplega 32% fullorðinna, þ.e. 18 ára og eldri, í sérstökum búsetuúrræðum og um 17% í leiguhúsnæði í eigu sveitarfélaga eða félagasamtaka.

Á vef Hagstofunnar er hægt að skoða margvíslegar upplýsingar um þjónustu sveitarfélaga við fatlað fólk eftir kyni, aldri og þjónustusvæðum á árabilinu 2011–2015.

Til baka Senda grein