Heilbrigðisráðherra
Óttarr Proppé heilbrigðisráðherra

Óttarr Proppé

Óttarr Proppé er heilbrigðisráðherra frá 11. janúar 2017.

Æviágrip

Fæddur í Reykjavík 7. nóvember 1968. Foreldrar: Ólafur J. Proppé (fæddur 9. janúar 1942) fyrrverandi rektor Kennaraháskóla Íslands og Pétrún Pétursdóttir (fædd 26. ágúst 1942) fyrrverandi forstöðumaður Hafnarborgar, menningar- og listamiðstöðvar, Hafnarfirði. Óttarr er afkomandi Ólafs Proppés alþingismanns. Maki: Svanborg Þórdís Sigurðardóttir (fædd 5. febrúar 1967) bóksali. Foreldrar: Sigurður Guðni Sigurðsson og Elfa Ólafsdóttir.

Lokapróf frá Pennridge High School, Perkasie, Pennsylvania, Bandaríkjunum, 1986.

Starfaði við bóksölu hjá Almenna bókafélaginu, Eymundsson og Máli og menningu 1987–2010. Tónlistarmaður og lagahöfundur með hljómsveitunum HAM, Dr. Spock, Rass og fleiri frá 1988. Leikari, handritshöfundur, hljóðmaður og framleiðandi við kvikmynda- og heimildarmyndagerð af og til frá 1991.

Í stjórn STEF, Sambands tónskálda og eigenda flutningsréttar, frá 2008. Í stjórn Besta flokksins í Reykjavík frá 2010. Í borgarstjórn Reykjavíkur 2010–2013. Í borgarráði 2010–2013. Í stjórn Sambands íslenskra sveitarfélaga 2010–2013. Fulltrúi á sveitarstjórnarvettvangi EFTA 2010–2013. Í stjórn Bjartrar framtíðar frá 2012. Formaður Bjartrar framtíðar síðan 2015.

Alþingismaður Reykjavíkurkjördæmis suður síðan 2013, alþingismaður Suðvesturkjördæmis síðan 2016 (Björt framtíð).

6. varaforseti 2013–2015.

Utanríkismálanefnd 2013–2016.

Þingmannanefnd Íslands og ESB 2013–2016.