Ferðamála-, iðnaðar- og nýsköpunarráðherra og Íslandsstofa undirrituðu þann 3. apríl sl. samning um markaðsverkefni í þágu íslenskrar ferðaþjónustu sem hluta af efnahagsaðgerðum stjórnvalda vegna COVID-19 faraldursins. Verkefnið verður starfrækt á völdum erlendum mörkuðum. Markmið þess er að auka eftirspurn eftir íslenskri ferðaþjónustu, styrkja ímynd Íslands sem áfangastaðar og viðhalda samkeppnisstöðu íslenskrar ferðaþjónustu og annarra útflutningsgreina. Það verður unnið í samræmi við framtíðarsýn og leiðarljós íslenskrar ferðaþjónustu til 2030 sem ber yfirskriftina „Leiðandi í sjálfbærri þróun“ og langtímastefnu stjórnvalda og atvinnulífs fyrir íslenskan útflutning.
Stýrihópinn skipa:
- Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
- Óskar Jósefsson, tilnefndur af ráðherra
- Ólafur Teitur Guðnason tilnefndur af ráðherra
- Bjarnheiður Hallsdóttir, tilnefnd af Samtökum ferðaþjónustunnar
- Bogi Nils Bogason, tilnefndur af Samtökum ferðaþjónustunnar