Í starfi sínu skal hópurinn hafa heilbrigðisstefnu og lýðheilsustefnu til ársins 2030 til hliðsjónar. Vinnuhópurinn skal hafa samráð við helstu haghafa þar að lútandi, þ.e. félög heilbrigðisstétta, embætti landlæknis, helstu stofnanir, samtök og fyrirtæki sem varða málaflokkinn, auk annarra eftir því sem þurfa þykir til að tryggja sem breiðustu samstöðu um nýja heildarlöggjöf.
Vinnuhópnum er gert að skila til ráðherra drögum að frumvarpi ásamt greinargerð og athugasemdum um einstaka greinar eigi síðar en 1. desember 2023. Gert er ráð fyrir að frumvarpsdrögin fari í Samráðsgátt stjórnvalda og þannig náist sem víðtækast samráð.
Vinnuhópinn skipa
- Sigurður M. Magnússon, fyrrverandi forstjóri Geislavarna ríkisins, formaður
- Gísli Jónsson, sérfræðingur hjá Geislavörnum ríkisins
- Jónína Guðjónsdóttir, sérfræðingur hjá Geislavörnum ríkisins
- María Sæm Bjarkardóttir, lögfræðingur í heilbrigðisráðuneytinu
- Guðlín Steinsdóttir, staðgengill skrifstofustjóra í heilbrigðisráðuneytinu.
Vinnuhópurinn er skipaður af heilbrigðisráðherra 22. nóvember 2022.