Styrkir á málefnasviði félags- og vinnumarkaðsráðuneytis

Félags- og vinnumarkaðsráðuneytið auglýsir árlega eftir umsóknum um styrki frá íslenskum félagasamtökum til verkefna og starfsemi sem heyra undir málefnasvið ráðuneytisins.

• Reglur um úthlutun styrkja
  
  

Auglýst er eftir umsóknum um styrki á haustin. Ráðherra veitir þá síðan á nýju ári, að undangenginni tillögu úthlutunarnefndar.

Ath. undir félags- og vinnumarkaðsráðuneytið heyrir einnig þróunarsjóður innflytjendamála sem sömuleiðis veitir styrki.

Með breyttum úthlutunarreglum um ofangreinda styrki á málefnasviði félags- og vinnumarkaðsráðuneytis er nú hægt að sækja um tvenns konar styrki:

1) Verkefnastyrkir. Verkefnastyrkir eru veittir til afmarkaðra verkefna og alla jafna ekki veittir til lengri tíma en eins árs í senn. Í þeim tilvikum þar sem verktími er lengur en eitt ár er heimilt að veita árlegan styrk til allt að þriggja ára, með fyrirvara um fjárveitingar á fjárlögum hverju sinni. Ekki eru veittir styrkir til sömu verkefna og hljóta styrk á fjárlögum eða verkefna sem falla undir sjóði ráðuneytisins eða samninga við það.

2) Rekstrarstyrkir. Styrkir eru veittir til reksturs félagasamtaka sem hafa verið starfandi í að lágmarki þrjú ár. Rekstrarstyrkir geta verið veittir til tveggja ára í senn.

Sótt er um á rafrænu formi á umsóknarvef Stjórnarráðsins.