Lýsing á aðgerð
C.2. Fræðsla starfsfólks.
Starfsfólk grunnskóla, frístundaheimila og félagsmiðstöðva hljóti fræðslu um kynferðislegt og kynbundið ofbeldi og áreitni og forvarnir sem hæfa grunnskólabörnum. Forvarnateymi, með stuðningi frá skólaskrifstofum sveitarfélaga eftir því sem við á, beri ábyrgð á fræðslunni. Tryggt verði að allt starfsfólk hljóti lágmarksfræðslu á netnámskeiði, sbr. aðgerð A.4. Skólaskrifstofur bjóði upp á frekari fræðslu og umræðu innan umdæmis síns og stjórnendur grunnskóla, frístundaheimila og félagsmiðstöðva nýti annað faglegt og gagnreynt fræðsluefni til að tryggja viðunandi þekkingu og þjálfun starfsfólks.
- Mælikvarði: 90% starfsfólks í grunnskóla hafi lokið netnámskeiði, sbr. aðgerð A.4, í lok árs 2025.
- Kostnaðaráætlun: Innan ramma.
- Ábyrgðaraðili: Forvarnateymi grunnskóla.
- Dæmi um samstarfsaðila: Skólaskrifstofur, forvarnafulltrúi Sambands íslenskra sveitarfélaga, Skólastjórafélag Íslands, Menntamálastofnun og frjáls félagasamtök.
Staða verkefnis
Aðgerðin er vel á veg komin. Netnámskeið Barna- og fjölskyldustofu hefur verið kynnt sérstaklega fyrir skólaskrifstofum, skólum utan skólaskrifstofa og sjálfstætt starfandi skólum ásamt skólastjórnendum grunnskóla. Haldinn var sérstakur kynningarfundur fyrir skólastjórnendur grunnskóla í upphafi árs 2024 til að kynna námskeiðið betur og minna á að kallað verður eftir upplýsingum um hlutfall starfsfólks sem lokið hefur námskeiðinu innan hvers skóla að vori 2024. Nú þegar hefur töluvert af starfsfólki innan skólanna lokið við námskeiðið.Verkefnið telst komið vel á veg.
Staða verkefnis
Komið vel á veg