Lýsing á aðgerð
F.3. Eftirfylgni og ábyrgð á framkvæmd.
Forsætisráðuneyti beri ábyrgð á samhæfingu vegna framkvæmdar þessarar áætlunar og eftirfylgni hennar. Ráðuneytið og forvarnafulltrúinn vinni í sameiningu drög að nýrri aðgerðaáætlun fyrir árin 2026–2030. Forsætisráðuneytið kalli saman alla aðila sem bera meginábyrgð á aðgerðum samkvæmt áætluninni, þar sem því verður við komið, a.m.k. einu sinni á ári og oftar ef þurfa þykir. Sá hópur verði forvarnafulltrúanum til stuðnings og ráðgjafar og leggi mat á árangur aðgerðaáætlunarinnar. Þá fái hópurinn tillögu að nýrri aðgerðaáætlun til umsagnar.
- Mælikvarði: Að aðgerðaáætlunin sé komin að fullu til framkvæmda í lok árs 2025.
- Kostnaðaráætlun: Innan ramma.
- Ábyrgðaraðili: Forsætisráðuneyti.
- Dæmi um samstarfsaðila: Forvarnafulltrúi Sambands íslenskra sveitarfélaga, félagsmálaráðuneyti, heilbrigðisráðuneyti, mennta- og menningarmálaráðuneyti og ábyrgðaraðilar fyrir einstakar aðgerðir.
Staða verkefnis
Forsætisráðuneytið hefur skipað stýrihóp um framfylgd þingsályktunar um forvarnir gegn kynferðislegu og kynbundnu ofbeldi og áreitni fyrir árin 2021-2025. Markmið með starfi stýrihópsins er að koma á samhæfðum vinnubrögðum, skýra ábyrgð, greina skörun og koma á góðu samstarfi ábyrgðaraðila við framfylgd áætlunarinnar.
Þá er búið birta mælaborð um stöðu aðgerða í þingsályktuninni og fyrsta stöðutaka hefur verið birt og miðar hún við stöðutöku í október 2021. Í kjölfarið verður staða aðgerða tekin saman tvisvar á ári og mælaborðið uppfært til samræmis við það.
Verkefninu telst vera lokið en eftirfylgni og staða aðgerða er viðvarandi verkefni út gildistíma þingsályktunarinnar.